எல்பிஜி கேஸ் டேங்கர் லாரிகள் சங்கம் அறிவித்துள்ள காலவரையற்ற போராட்டத்திற்கு தடை கோரி ஐகோர்ட்டில் வழக்கு

எல்பிஜி கேஸ் டேங்கர் லாரிகள் சங்கம் அறிவித்துள்ள காலவரையற்ற வேலை நிறுத்த போராட்டத்திற்கு தடை விதிக்க கோரி இந்தியன் ஆயில் எண்ணெய் நிறுவனம் சென்னை உயர் நீதிமன்றத்தில் மனுத்தாக்கல் செய்துள்ளது.

- 

இந்தியன் ஆயில் உள்ளிட்ட எண்ணெய் நிறுவனங்கள், நாமக்கல்லை தலைமையிடமாக கொண்டு செயல்பட்டு வரும் தென் மண்டல எல்.பி.ஜி. டேங்கர் லாரி உரிமையாளர்கள் சங்கத்தின் 5500 லாரிகள் மூலம் தமிழகம், கேரளா, ஆந்திரா, தெலுங்கானா, கர்நாடகா, புதுச்சேரி ஆகிய மாநிலங்களுக்கு எல்பிஜி கேஸ் விநியோகம் செய்து வருகிறது.

இந்த நிலையில், சங்கத்தின் அவசர பொதுக்குழு கூட்டம் அதன் தலைவர் சுந்தர்ராஜன் தலைமையில் கடந்த 2 நாட்களுக்கு முன் நடைபெற்றது.

கூட்டத்தில், 2025-2030ம் ஆண்டுக்கான டேங்கர் லாரிகளுக்கான ஒப்பந்தத்தில் ஆயில் நிறுவனங்கள் பல்வேறு புதிய விதிமுறைகளை விதித்துள்ளன.