கரூர் துயர சம்பவத்தில் உயிரிழந்தவர்கள் குடும்பத்தினரிடம் 11 நாட்களுக்கு பின் வீடியோ காலில் பேசிய விஜய்

விரைவில் உங்களை சந்திக்க வருவேன்' என ஆறுதல்

- 

கரூர் துயர சம்பவத்தில் உயிரிழந்தவர்கள் குடும்பத்தினரிடம் 11 நாட்களுக்கு பின் வீடியோ காலில் ஆறுதல் கூறிய விஜய், 'விரைவில் உங்களை சந்திக்க வருகிறேன்' என கூறியுள்ளார்.

கரூர் வேலுச்சாமிபுரத்தில் கடந்த மாதம் 27ம்தேதி இரவு 7 மணியளவில் தவெக தலைவர் விஜய் பிரசாரம் நடந்தது. இதில் கூட்ட நெரிசலில் சிக்கி 41 பேர் உயிரிழந்தனர். நூற்றுக்கும் மேற்பட்டோர் காயமடைந்தனர். இந்த சம்பவம் நடைபெற்று கொண்டிருக்கும் போது, விஜய் அவசர அவசரமாக தான் வந்த சொகுசு பிரசார பஸ்சில் கரூரில் இருந்து இரண்டு கார்கள் மாறி திருச்சி விமான நிலையம் சென்றார். பின்னர் அங்கிருந்து தனி விமானத்தில் சென்னை சென்றார்.

இந்த சம்பவம் குறித்து தகவல் அறிந்த கரூர் மாவட்ட திமுக செயலாளர் செந்தில்பாலாஜி, அமைச்சர்கள் அன்பில் மகேஷ், மா.சுப்பிரமணியன் ஆகியோர் அரசு மருத்துவமனை சென்று பாதிக்கப்பட்டவர்களுக்கு ஆறுதல் தெரிவித்தனர். சம்பவம் நடைபெற்ற நள்ளிரவே தமிழ்நாடு முதல்வர் மு.க.ஸ்டாலின் சென்னையிலிருந்து புறப்பட்டு, அதிகாலை 3 மணியளவில் கரூர் அரசு மருத்துவமனை சென்று உயிரிழந்தவர்களின் குடும்பத்தை சந்தித்தும், சிகிச்சை பெற்று வருபவர்களையும் நேரில் சந்தித்து ஆறுதல் கூறியதோடு, நிவாரண தொகையையும் அறிவித்து சென்றார்.