ஒரே நாளில் இரண்டு முறை அதிரடியாக எகிறிய தங்கம் விலை பவுன் ரூ.86,160க்கு உயர்ந்து வரலாற்று உச்சம்

தங்கம் விலை கடந்த மாதத்தில் இருந்து வரலாறு காணாத வகையில் உயர்ந்து வருகிறது. தங்கத்திற்கு இணையாக வெள்ளி விலையும் போட்டி போட்டு உயர்ந்து புதிய உச்சம் கண்டு வருகிறது. ஒரே சமயத்தில் தங்கம், வெள்ளி விலை உயர்ந்து வருவதால் நகை வாங்குவோர் கடும் அதிர்ச்சியில் இருந்து வருகின்றனர்.

- 

கடந்த 27ம் தேதி (சனிக்கிழமை) தங்கம் விலை கிராமுக்கு ரூ.90 உயர்ந்து, ஒரு கிராம் ரூ.10,640க்கும், பவுனுக்கு ரூ.720 உயர்ந்து, ஒரு பவுன் ரூ.85,120க்கும் விற்றது. இந்நிலையில் வாரத்தின் தொடக்க நாளான நேற்று தங்கம் விலை மேலும் உயர்வையே சந்தித்தது.