தமிழ்நாடு மெர்க்கண்டைல் வங்கியின் நிகர மதிப்பு ரூ.9,444 கோடியாக உயர்வு

நிர்வாக இயக்குனர் சலீ எஸ். நாயர் பெருமிதம்

- 

தமிழ்நாடு மெர்க்கன்டைல் வங்கியின் இயக்குனர் குழு கூட்டம், தூத்துக்குடியில் நேற்று முன்தினம் நடந்தது. இதில், 2025-26 2ம் காலாண்டு மற்றும் அரையாண்டிற்கான தணிக்கை செய்யப்படாத நிதிநிலை முடிவுகள் இறுதி செய்யப்பட்டது. வங்கியின் நிர்வாக இயக்குனர் மற்றும் தலைமை செயல் அதிகாரி சலீ எஸ் நாயர் தணிக்கை செய்யப்படாத 2ம் காலாண்டிற்கான நிதிநிலை அறிக்கையினை வெளியிட்டார். அப்போது அவர் கூறியதாவது;

2026 நிதியாண்டின் 2ம் காலாண்டில் இதுவரை இல்லாத அளவுக்கு அதிகபட்ச காலாண்டு நிகர லாபத்தை நாங்கள் அடைந்துள்ளோம், இது எங்களது கடன் மற்றும் வைப்பு வணிகங்களின் தொடர்ச்சியான வளர்ச்சியால் அடையப்பட்டுள்ளது.