ஆணவப் படுகொலைகளை தடுக்க தனி சட்டம்... முதல் பக்க தொடர்ச்சி

இருக்கக்கூடாது என்பதற்காக, அவற்றை 'சமூக நீதி' விடுதிகளாகப் பெயர் மாற்றியிருக்கிறோம்.

- 

சட்டப்பேரவையில் முதல்வர் மு.க.ஸ்டாலின் நேற்று, ஆணவப் படுகொலைகளை தடுக்கும் நோக்கில் உரிய சட்டம் இயற்ற தேவை யான நடவடிக்கைகளை தமிழ்நாடு அரசு எடுக்கும் என்று தெரிவித்த உரையாற்றினார்.

இந்திய பிரதமரை சமீபத்தில் நேரில் சந்தித்து, முக்கியமான ஒரு கோரிக்கையை வைத்தேன். "ஆதி திராவிடர் மற்றும் பழங்குடியினர் பட்டியலில் உள்ள சாதிப் பெயரில், இறுதி எழுத்தில் முடிவடையும் 'இன்' என்பதற்குப் பதிலாக 'இர்' என விகுதி மாற்றம் செய்து, அந்தச் சமூக மக்களுக்கு உரிய மரியாதை கிடைக்க வழி செய்யும் வண்ணம் ஒன்றிய அரசு உரிய சட்டம் இயற்ற விரைவில் நடவடிக்கை மேற்கொள்ள வேண்டும்” என்பது தான் அந்தக் கோரிக்கை.

சமூகநீதி, சமத்துவம், சகோதரத்துவம், பொதுவுடமை, பொது உரிமை, கல்வி உரிமை, அதிகார உரிமை ஆகிய கொள்கைகள் தான் வேற்றுமையை, பகைமையை விரட்டும். அதனைத் தான் நாங்கள் செய்து வருகிறோம். இதன் மூலமாகத் தான் சமத்துவம் கொண்ட சமுதாயத்தை உருவாக்க முடியும்.

ஆனால், இத்தகைய சூழலில் நாட்டில் நடைபெறும் சில சம்பவங்கள் நமது மனதை வேதனையடைய வைத்துள்ளன. இதற்காகவா நமது தலைவர்கள் போராடினார்கள், நாம் போராடி வருகிறோம் என்ற வேதனை ஏற்படுகிறது. உலகம் அறிவுமயமாகி வருகிறது. 'ஆனால் அன்புமயம் ஆவதை எது தடுக்கிறது?' என்பதுதான் இன்று சீர்திருத்த எண்ணம் கொண்டவர்களை வாட்டி வருகிறது.