பயோனியர் குமாரசாமி கல்லூரி நிறுவனர் டாக்டர் பத்மநாபன் நூற்றாண்டு விழா ஒரு வருடம் நடத்த திட்டம்

பயோனியர் கல்வி குழுமத்தின் தலைவர் குமாரசுவாமி, அவரது துணைவியார் லதா குமாரசுவாமி ஆகியோர் கூறியதாவது: குமரி மாவட்டத்தில் 3 கல்லூரிகள் உருவாக காரணமாக இருந்தவரும், பயோனியர் குமாரசுவாமி கல்லூரியின் நிறுவனருமான டாக்டர் பத்மநாபன் நூற்றாண்டு விழா இந்த கல்வி ஆண்டு முழுவதும் கொண்டாடப்படுகிறது.

- 

இதன் துவக்க விழா நாளை (27ம் தேதி) காலை 9.30 மணிக்கு கல்லூரி வளாகத்தில் நடக்கிறது. கல்லூரி தலைவரும், செயலாளருமான குமாரசுவாமி தலைமை வகிக்கிறார். பயோனியர் பள்ளி தாளாளர் லதா குமாரசுவாமி குத்துவிளக்கு ஏற்றி வைக்கிறார். கல்லூரி முதல்வர் முனைவர் ஜெயசேகரன் வரவேற்கிறார். விழாவில் டாக்டர் பத்மநாபன் வாழ்க்கை வரலாற்று புத்தகத்தை தமிழக சபாநாயகர் அப்பாவு வெளியிடுகிறார். முதல் பிரதியை கோவை அரி பவுண்டேஷன் இயக்குநர் முனைவர் சண்முகம் பெற்றுகொள்கிறார்.

விழாவையொட்டி பயோனியர் குமாரசுவாமி கல்லூரியில் இந்த கல்வி ஆண்டில் அரசு நிதி உதவி பெறும் இளநிலை பாடங்களில் சேரும் மாணவர்களுக்கு முழு கல்வி கட்டணம் விலக்கு அளிக்கப்படுகிறது. இதன்மூலம் 384 மாணவ, மாணவிகள் பயன் அடைந்துள்ளனர்.