பணத்தை இழக்கும் அப்பாவி மக்கள்

நாகரிகம் வளர்ச்சி அடைந்த பிறகு பல்வேறு மாற்றங்களை மனிதர்கள் கண்டு வந்தனர். ஒவ்வொரு உண்மையான விஷயத்திலும் ஒரு போலியான விஷயமும் வெளியே வர தொடங்கியது. பல நேரங்களில் போலிகளை மக்கள் கொண்டாடத் தொடங்கினர். அதனால் ஏமாற்றம் அடைந்த பின்பு இதுதான் அசல், இதுதான் உண்மை என்பதை புரிந்துகொண்டனர். சிலர் தொடர்ந்து போலிகளை நம்பியே வாழ்ந்து கொண்டு உளளனர்.

- 

உண்மை எந்த அளவிற்கு இந்த உலகத்தில் பறந்து விரிந்துள்ளதோ அதே போன்று போலிகளும் இந்த உலகத்தில் உண்மைக்கு நிகராக தங்களது செல்வாக்கை நிலை நிறுத்தி உள்ளன. எந்த தொழிலாக இருந்தாலும் அதில் ஒரிஜினல், டூப்ளிகேட் என வந்துவிட்டது. அதுவும் சமூக வலைதள அசுர வளர்ச்சியின் காரணமாக அனைத்து விஷயங்களையும் செல்போன் மூலம் தெரிந்து கொள்ளலாம் என்ற காலகட்டம் வந்த பிறகு எது ஒரிஜினல், எது போலி என்பது மக்களுக்கு தெரியவில்லை. அனைத்திலும் மூக்கை நுழைத்து ஏமாறுகின்றனர். பணம், நகை உள்ளிட்டவை போனாலும் பரவாயில்லை. சிலர் வாழ்க்கையையே தொலைத்து விட்டு, அதன்பிறகு காவல் நிலையம், நீதிமன்றம் என ஏறி இறங்குகின்றனர்.

அந்த வகையில் சமீப காலமாகவே ஜோதிடத்தின் மீது மக்களுக்கு அதீத ஆர்வம் ஏற்பட்டுள்ளது. ஜோதிடம் என்பது காலங்காலமாக இருந்து வரும் ஒரு மரபு. பலர் அதனை உண்மை இல்லை எனவும், பலரும் அதனை உண்மை எனவும் நம்புகின்றனர்.