தமிழகத்தில் இளங்கலை படிப்புகளுக்கு 32,000 விண்ணப்பங்கள்

தமிழகத்தில் இளங்கலை மருத்துவம் மற்றும் பல் மருத்துவ படிப்புகளுக்கு 32,000 விண்ணப்பங்கள் பெறப்பட்டுள்ளது. என அமைச்சர் மா. சுப்பிரமணியன் கூறினார்.

- 

சென்னை, தேனாம் பேட்டை, டிஎம்எஸ் வளாகத்தில் உள்ள 108 சேவை மையத்தில் பிரத்யேகமாக அமைக்கப்பட்டுள்ள நீட் தேர்வு எழுதிய மாணவ, மாணவியர்களுக்கு மன நல ஆலோசனை வழங்கும் திட்டத்தை அமைச்சர் மா. சுப்பிரமணியன் நேற்று தொடங்கி வைத்து பார்வையிட்டார்.

பிறகு அவர் நிருபர்களிடம் கூறியதாவது:

திமுக அரசு பொறுப்பேற்ற நாள் முதல் 104 மருத்துவ தகவல் மையம் தொடங்கி, நீட் தேர்வுகளில் தேர்ச்சி பெறாத மாணவ, மாணவிகளுக்கு மனநல ஆலோசனைகள் வழங்கும் திட்டத்தை தொடங்கியது. 4 ஆண்டுகளில் நீட் தேர்வுகளில் பங்கேற்று தேர்ச்சி பெறாத மாணவர்களுக்கும், நீட் தேர்வில் தேர்ச்சி பெற்று மருத்துவ பாடத்திற்கு இடம் கிடைக்காத மாணவர்களுக்கும் மனநல ஆலோசனை தொடர்ந்து வழங்கப்பட்டு வருகிறது.