ரூ.4.25 கோடி வளர்ச்சி பணிகள்

நாகர்கோவில்,ஜூன் 14 : நாகர்கோவில் மாநகராட்சியாக தரம் உயர்த்தப்பட்ட பின்னர் முதல் மேயராக பதவி ஏற்ற மகேஷ் மாநகராட்சி தன்னிறைவு பெறுவதற்காக வார்டு வாரியாக அந்தந்த வார்டு கவுன்சிலர்களுடன் கள ஆய்வு மேற்கொண்டு, மக்களின் குறைபாடுகளை களையவும், அடிப்படை வசதிகள் மேற்கொள்ளும் வகையிலும் மேற்கொள்ள வேண்டிய பணிகள் குறித்து பட்டியல் தயார் செய்தார். பின்னர் அவற்றை உடனடியாக மேற்கொள்ள வேண்டிய பணிகள், குறுகிய காலத்தில் மேற்கொள்ள வேண் டிய பணிகள், திட்ட மதிப்பீடு தயாரித்து மேற்கொள்ள வேண்டிய பணிகள் என 3 ஆக தரம் பிரித்தார்.

- 

அதன்படி மாநகராட்சி 16வது வார்டில் கடந்த 10.12.2022 அன்று மேயர் மகேஷ் மாநகராட்சி அதிகாரிகளுடன் கள ஆய்வு செய்து மக்களிடம் குறைகளை கேட்டறிந்தார். இதன்படி தயாரிக்கப்பட்ட பட்டியல் பின்வருமாறு, பால் பண்ணை அருகே கே.பி சாலை, பிளசன்ட் நகர் ஆகிய இடங்களில் கல்வெர்ட் அமைக்க வேண்டும்.

யுனைடெட் காலனியில் தனியார் இடத்தில் புல்புதர்களில் பாம்புகள் நடமாட்டம் உள்ளதால் அதனை வெட்டி அகற்றுதல், கோல்டன் நகர், பிளசன்ட் நகர், மீன்கடை தெரு, ஹனிபா நகர், ஐயப்பன் கோயில் கிழக்கே உள்ள தெரு, மெஜஸ்டிக் தெரு ஆகிய இடங்களில், செயின்ட் மேரீஸ் பள்ளி தெரு, கோல்டன் தெரு, ஜெயசேகரன் மருத்துவமனை எதிர்புறம் உள்ள தெரு ஆகிய இடங்களில் கருந்தளமும், ஜோதி தெரு, ராஜிவ் காந்தி தெருக்களில் கான்கிரீட் தளமும், பரமேஸ்வரம் தெரு, ஜோதி தெருவில் அலங்கார தரை கற்கள் சீரமைப்பு மற்றும் ஆக்கிரமிப்புகள் அகற்றம், பழுதான குடிநீர் தொட்டிகளை இடித்து விட்டு புதியதாக அமைத்தல், கழிவு நீரோடைகள் சரிசெய்தல், பிரைட் தெருவில் கழிவு நீரோடை கட்டுதல் என 42 பணிகள் பட்டியல் இடப்பட்டன.