வன உரிமை குழுக்கள் மலைவாழ் மக்களுக்கு விளக்க வேண்டும்

குமரி மாவட்ட ஆதி திராவிடர் மற்றும் பழங்குடியினர் நலத்துறையின் சார்பில் கடையால் பேரூராட்சிக் குட்பட்ட திருமண மண்டபத்தில் வன உரிமைச் சட்டம் 2006 குறித்து வன உரிமைகள் குழு நிர்வாகிகளுக்கு மாவட்ட அளவிலான திறன் மேம்பாட்டு பயிற்சி முகாம் மாவட்ட கலெக்டர் அழகுமீனா தலைமையில் நடைபெற்றது.

- 

இந்த பயிற்சி முகாமில் மாவட்ட கலெக்டர் அழகுமீனா, கலந்து கொண்டு பேசியதாவது: காடுகளை நம்பி வாழ்பவர்கள் பழங்குடியினர். தமிழகத்திற்குட்பட்ட மாவட்டங்களில் உள்ள மலைக்கிராமங்களில் காணி, இருளர் உள்ளிட்ட பல்வேறு வகையான பழங்குடியினர்கள் வாழ்கின்றனர். இவர்கள் வாழும் இடங்களை, பயன்படுத்தும் இடங்களை அவர்களுக்கே உரிமை அளிக்கும் வகையில், 2006 வன உரிமைச் சட்டம் கொண்டுவரப்பட்டது. இந்தியாவிற்குட்பட்ட அனைத்து மாநிலங்களிலும் பழங்குடியினர் மற்றும் மலைவாழ் மக்கள் வசிக்கும் பகுதிகளில் வசிப்பவர்களுக்கு 10 ஏக்கருக்கும் அதிகமான நிலங்களை வழங்க வேண்டுமென 2006ம் ஆண்டு நாடாளுமன்றத்தில் வன உரிமைச்சட்டம் 2006 அமல்படுத்தப்பட்டது.