தமிழகத்தில் கடல் காற்றாலைகள் திட்டத்துக்கு விரைவில் டெண்டர்

ஒன்றிய அமைச்சர் பிரகலாத் ஜோஷி தகவல்

- 

ஒன்றிய புதுப்பிக்கத்தக்க எரிசக்தி அமைச்சகம் மற்றும் இந்திய காற்று விசையாழி உற்பத்தியாளர்கள் சங்கம் இணைந்து நடத்தும் விண்டர்ஜி இந்தியா-2025, 7வது சர்வதேச 3 நாள் வர்த்தக கண்காட்சி சென்னை வர்த்தக மையத்தில் நேற்று முன் தினம் தொடங்கியது. இந்த கண்காட்சியை ஒன்றிய எரிசக்தி துறை அமைச்சர் பிரகலாத் ஜோஷி நேற்று பார்வையிட்டு விழாவை தொடங்கி வைத்தார்.

இந்நிகழ்ச்சியில் தமிழக மின்சார துறை அமைச்சர் சிவசங்கர், ஒன்றிய புதுப்பிக்கத்தக்க எரிசக்தித்துறை செயலாளர் ராஜேஷ் குல்ஹாரி, விசையாழி உற்பத்தியாளர்கள் சங்க தலைவர் கிரிஷ் தந்தி மற்றும் நிர்வாகிகள் கலந்துக்கொண்டனர்.