திருமணம் ஆன 6 மாதத்தில் மர்ம சாவு கூடுதல் வரதட்சணை கேட்டு நர்ஸ் அடித்து கொலையா?

திருமணமான 6 மாதங்களில் மர்மமான முறையில் தூக்கில் தொங்கி இறந்த நர்சின் உடலை வாங்க மறுத்து உறவினர்கள் போராட்டம் நடத்தினர். கூடுதல் வரதட்சணை கேட்டு கணவன் குடும்பத்தினர் அடித்து கொலை செய்துள்ளதாக அவர்கள் புகார் கூறியுள்ளனர். இதுகுறித்து போலீசார் நடவடிக்கை எடுப்பதாக கூறியதையடுத்து உடலை பெற்று சென்றனர்.

- 

குமரி மாவட்டம் கருங்கல் அடுத்த திக்கணங்கோடு செம்பிலாவிளை பகுதியை சேர்ந்தவர் ராபின்சன். இவரது மகள் ஜெபிலா மேரி (26). பி.எஸ்.சி. நர்சிங் பட்டதாரியான இவர் முட்டம் பகுதியில் உள்ள ஒரு தனியார் மருத்துவமனையில் வேலை பார்த்து வந்தார். இவரும், இனயம் பகுதியை சேர்ந்த மரிய நிதின் ராஜ் (26) என்பவரும் கடந்த இரு வருடங்களாக காதலித்து வந்தனர். மரிய நிதின்ராஜ் சென்னையில் உள்ள ஒரு கம்பெனியில் ஆபரேட்டராக வேலை பார்த்து வந்துள்ளார். இவர்களின் காதல் விவகாரம் வீட்டில் தெரிய வந்ததை தொடர்ந்து, பெற்றோர் சம்மதத்துடன் கடந்த ஜனவரி மாதம் திருமணம் நடைபெற்றது.