மது அருந்தியிருந்தால் பைக் தானாக ‘ஆப்’ ஆகும்

ஹெல்மெட் அணியாவிட்டால் ‘ஸ்டார்ட்’ ஆகாது

- 

உலகெங்கிலும் சாலை விபத்துகளால் உயிரிழப்புகள் அதிகரித்து வருகிறது. கடந்த ஆண்டு சாலை விபத்துகளில் அதிக உயிரிழப்புகளை சந்தித்த நாடுகளில் இரண்டாவது இடத்தை இந்தியா பிடித்துள்ளது. இந்தியாவில் தமிழ்நாடு இரண்டாவது இடமும், தமிழ்நாட்டில் கோவை, திருப்பூர் மாவட்டங்கள் இரண்டாவது இடத்தையும் பெற்றுள்ளது. இதுதொடர்பாக உடுமலை அரசு தொழிற்பயிற்சி நிலையத்தில் ஆசிரியர்களுடன் மாணவர்கள் கருத்துரையாடல் நிகழ்ச்சி நடந்தது. அப்போது அவர்களுக்குள் இந்த உயிரிழப்புகளை தடுத்து நிறுத்துவதற்கான கருவியை கண்டுபிடித்தே ஆக வேண்டும் என்ற உத்வேகம் பிறந்தது.

இதுவே அடுத்த தலைமுறை வாகனமான 'நெக்ஸ்ட் ஜென் வெகிக்கிள்’ உருவாக மூல காரணமாக அமைந்தது. சாலை விபத்துகளுக்கு முக்கியமான காரணங்கள் என்றால் மது அருந்திவிட்டு வாகனத்தை இயக்குவது, தலைக்கவசம் அணியாமல் வாகனத்தை இயக்குவது, ஓட்டுநர் உரிமம் இல்லாமலேயே உரிய பயிற்சி பெறாமல் வாகனங்களை இயக்குவது போன்றவை ஆகும். இவற்றை தடுப்பதற்கு என்ன வழி? விபத்தினால் உயிரிழப்புகளை குறைப்பதற்கு உரிய வழிகள் என்ன? என பேராசிரியர்களுடன் மாணவர்கள் இணைந்து கூட்டாக ஆலோசனை மேற்கொண்டனர்.