முதல்வர் மு.க.ஸ்டாலின் தலைமையில் திமுக மாவட்ட செயலாளர்கள் கூட்டம் இன்று கூடுகிறது

97 லட்சம் வாக்காளர் நீக்கம் குறித்து முக்கிய ஆலோசனை

- 

முதல்வர் மு.க. ஸ்டாலின் தலைமையில் இன்று மாலை திமுக மாவட்ட செயலாளர்கள் கூட்டம் நடக்கிறது. காணொலி காட்சி வாயிலாக நடைபெறும் இந்த கூட்டத்தில் 97 லட்சம் வாக்காளர் நீக்கம் தொடர்பாக ஆலோசிக்கப்பட்டு முக்கிய முடிவுகள் எடுக்கப்பட உள்ளது.

தமிழகத்தில் வாக்காளர் பட்டியல் சிறப்பு தீவிர திருத்தம் (எஸ்ஐஆர்) பணி நடந்து வந்தது. கடந்த நவம்பர் 4ம் தொடங்கிய எஸ்ஐஆர் பணி கடந்த 14ம் தேதியுடன் நிறைவடைந்தது. இந்த நிலையில் தேர்தல் ஆணையம் வரைவு வாக்காளர் பட்டியலை நேற்று முன்தினம் வெளியிட்டது. இதில் தமிழகத்தில் மொத்தமுள்ள 234 தொகுதிகளில் இருந்து மொத்தம் 97.37 லட்சம் வாக்காளர்கள் நீக்கப்பட்டனர்.