உச்ச நீதிமன்றத்தில் தமிழ்நாடு அரசு மேல்முறையீடு: திருப்பரங்குன்றம் வழக்கு ஒத்திவைப்பு

சிஐஎஸ்எப்பை அறிக்கை தாக்கல் செய்ய நீதிபதி ஜி.ஆர். சுவாமிநாதன் உத்தரவு

- 

திருப்பரங்குன்றம் தீப விவகாரம் தொடர்பாக உச்ச நீதிமன்றத்தில் தமிழக அரசு மேல்முறையீடு செய்து உள்ளதால், நீதிமன்ற அவமதிப்பு வழக்கை வரும் 9ம் தேதிக்கு நீதிபதி ஜி.ஆர். சுவாமிநாதன் ஒத்திவைத்தார்.

மதுரை மாவட்டம் எழுமலை சேர்ந்த ராம. ரவிக்குமார், ஐகோர்ட் மதுரை கிளையில் தாக்கல் செய்த மனுவில், “திருக்கார்த்திகை நாளில் திருப்பரங்குன்றம் மலை உச்சியில் உள்ள தீபத்தூணில் தீபம் ஏற்றுவது உண்டு. கடந்த சில ஆண்டுகளுக்கு முன் உச்சிப்பிள்ளையார் கோயிலில் உள்ள தீபத்தூணில் தீபம் ஏற்றப்படுகிறது. எனவே, பாரம்பரியமான தூபத்தூணில் தீபம் ஏற்ற அனுமதிக்க வேண்டும்” என கூறியிருந்தார்.