புளியரை சோதனை சாவடியில் விதிமுறைகளை மீறிய கனிமவள வாகனங்களுக்கு ரூ. 1.10 கோடி அபராதம்

தமிழகத்திலிருந்து கேரளாவிற்கு செல்லும் கனிமவள வாகனங்களில் உரிய அனுமதி இல்லாதது, அதிக பாரம், அதிக வேகம், பாதுகாப்பு குறைபாடு உள்ளிட்ட பல்வேறு விதிகளை மீறிய வாகனங்களுக்கு ஒரு கோடியே 10 லட்சத்து , 78 ஆயிரத்து, 900 ரூபாய் அபராதம் விதிக்கப்பட்டுள்ளது.

- 

தமிழகத்திலிருந்து கேரள மாநிலத்திற்கு கடந்த ஐந்து ஆண்டுகளுக்கும் மேலாக நாள்தோறும் ஆயிரத்திற்கும் அதிகமான கனரக ராட்சத வாக னங்களில் கனிம வளங்களை ஏற்றிக் கொண்டு 24 மணி நேரமும் அணிவகுத்துச் செல்கின்றது. இந்த வாகனங்கள் அரசு விதிமுறைகளை மதிப்பதில்லை, கனிம வளங்களுக்கு பெரும் அனுமதி சீட்டில் குளறுபடிகள், அதிக பாரம் ஏற்றுதல், அதிக வேகம் செல்லுதல், பாதுகாப்பு குறைபாடுகள் உள்ளிட்ட பல்வேறு விதிமுறைகளில் ஈடுபட்டு வருகின்றனர்.