பணத்தை இரட்டிப்பாக்கி தருவதாக ரூ.6.90 லட்சம் நூதனமுறையில் மோசடி

கிருஷ்ணகிரி அருகே பணத்தை இரட்டிப்பு செய்து தருவதாக கூறி, மாட்டுப்பண்ணை உரிமையாளரிடம், 6.90 லட்சம் ரூபாய் மோசடி செய்ய முயன்றவரை போலீசார் கைது செய்தனர்.

- 

சதுரங்க வேட்டை திரைப்படத்தில் வரக்கூடிய பிரபலமான வசனம் ஒருத்தரை ஏமாத்தனும்னா, அவன் ஆசையை தூண்டனும். இவ்வாறு பண ஆசையை தூண்டி ஒருவரை ஏமாற்ற முயன்ற சம்பவம் தான் கிருஷ்ணகிரியில் நடந்துள்ளது. கிருஷ்ணகிரி மாவட்டம் வேப்பனப்பள்ளி அருகே உள்ள ஆவகானப்பள்ளியை சேர்ந்தவர் யுவராஜ் (வயது 38). பி.இ. பட்டதாரி. திருமணமாகி மனைவி மகளுடன் பெங்களூருவில் வசித்து வருகிறார். மேலும் ஆவகானப்பள்ளியில் 40 நாட்டு மாடுகளை வைத்து மாட்டுப்பண்ணை நட்ததி வருகிறார். அவரது தம்பி இந்த மாட்டுப்பண்ணையை பராமரித்து வருகிறார். யுவராஜ் அவ்வப்போது தனது மாட்டுப்பண்ணைக்கு வந்து செல்வது வழக்கம்.

இந்த நிலையில் கடந்த சில மாதங்களுக்கு முன்பு நீலகிரி மாவட்டம் குன்னூரை சேர்ந்த இதயகணேஷ் (35) என்ற புரோக்கர் யுவராஜிற்கு அறிமுகம் ஆனார். அவர் மாடுகளை குந்தாரப்பள்ளி மாட்டு சந்தையில் அதிக விலைக்கு விற்று கொடுத்தால் எவ்வளவு கமிஷன் தருவீர்கள் என கேட்டு இதயகணேஷ், யுவராஜூடன் பழக்கம் ஆனார். இதன் பிறகு அவர் யுவராஜூடன் அடிக்கடி பேசி வந்தார்.