வகுப்புகளும் மாணவர் இருக்கைகளும்....

கல்வி முறை, பாடத்திட்டம், பள்ளிக்கூட சூழல் மட்டுமல்ல, வகுப்பறைகளும் மாணவர்களின் கல்வித் திறனுக்கு சாதக, பாதகமாக அமைகின்றன. இப்போது வகுப்பறைகளில் மாணவர்கள் அமர்ந்திருக்கும் முறை முன் பெஞ்சு நன்றாக படிப்பவர்களுக்கும், பின் பெஞ்சு குறும்புக்கார மாணவர்களுக்கும் என்று ஆகிவிட்டது. முன் பெஞ்சுகளுக்குப் பின்னால் அமர்ந்திருக்கும் மாணவர்கள் என்ன செய்கிறார்கள் என்பதை ஆசிரியர்கள் கவனிக்க முடியாது.

- 

ஆசிரியர்கள் நடத்தும் பாடத்தை கவனிக்காமல் பின் பெஞ்சு, நடுப்பெஞ்சுக்காரர்கள் ஏமாற்றவும் முடிகிறது.

சமீபத்தில் வந்த மலையாளத் திரைப்படம் ஒன்றில் வகுப்பறை பெஞ்சுகள் 'ப' வடிவத்தில் அமைக்கப்பட்டால் மாணவர்கள் கவனம் சிதறாது. ஆசிரியர்களும் அனைவரையும் கவனித்து பாடம் நடத்த முடியும் என்ற மெசேஜ் கூறப்பட்டது. இதையடுத்து கேரள பள்ளிக்கூடங்களில் மாணவர்கள் ப வடிவில் அமர வைக்கப்பட்டார்கள்.

அதைப் பின்பற்றி தமிழ்நாட்டிலும் ப வடிவில் மாணவர்களை அமர வைத்து பாடம் நடத்த கல்வித்துறை சார்பில் சுற்றறிக்கை அனுப்பப்பட்டது .