டெல்லி புறப்பட்ட இண்டிகோ விமானம் மீது பறவை மோதியது

பாட்னா,ஜூலை.10பீகார் தலைநகர் பாட்னாவில் உள்ளஜெயபிரகாஷநாராயணன் சர்வதேச விமான நிலையத்தில் இருந்து நாட்டின் தலைநகரான டெல்லி நோக்கி ஐ.ஜி.ஓ.5009 என்ற எண் கொண்ட இண்டிகோ விமானம் ஒன்று நேற்றுகாலை 8.42 மணியளவில் புறப்பட்டது.

- 

அதில், பயணிகள் மற்றும் ஊழியர்கள் என 175 பேர் இருந்தனர். அப்போது விமானம் புறப்பட்ட சில நிமிடங்களில் பறவை ஒன்று அதன் மீது மோதியது. இதில், விமானத்தின் என்ஜின் ஒன்று லேசாக அதிர்ந்தது.

இதனை தொடர்ந்து, கட்டுப்பாட்டு அறைக்கு தகவல் தெரிவித்து விட்டு, விமானம் பாட்னாவுக்கே திரும்பியது.

காலை 9.03 மணியளவில் ஓடுபாதை 7-ல் வந்திறங்கியது. பயணிகள் அனைவரும் பாதுகாப்பாக உள்ளனர் என பாட்னா விமான நிலையம் வெளியிட்ட அறிக்கை தெரிவிக்கின்றது.