‘அக்கா’ என்பது தான் என் அங்கீகாரம்’ 'வானரன்' பட விழாவில் தமிழிசை பேச்சு

பகல் வேஷம் என்னும் கலையை பின் தொடரும் ஆஞ்சநேயர் வேடம் அணிபவர்களின் வாழ்வியலையும் தந்தை மகள் உறவை சொல்லும் கதைகளத்தையும் கொண்டு உருவாகி உள்ள படம் 'வானரன்'.

- 

இப்படத்தை 'டூ' எனும் படத்தை இயக்கிய ஸ்ரீராம் பத்மநாபன் கதை, திரைக்கதை, வசனம் எழுதி இயக்கியுள்ளார். ஆரஞ்ச் பிக்சர்ஸ் சார்பில் ராஜேஷ் பத்மநாபன், சுஜாதா ராஜேஷ் தயாரித்திருக்கிறார்கள்.

இப்படத்தில் நடிகர் நாகேஷ் பேரன் பிஜேஷ் நாகேஷ் கதாநாயகனாக அறிமுகமாகியுள்ளார். அக்ஷயா கதாநாயகியாக நடிக்க லொள்ளு சபா ஜீவா, தீபா சங்கர், ஆதேஷ் பாலா, நாஞ்சில் விஜயன், எஸ். எல். பாலாஜி, பேபி வர்ஷா, வெங்கட்ராஜ், சிவகுரு, ராம்ராஜ், வெடிக்கண்ணன், மேடை கலைஞர்களான நாமக்கல் விஜயகாந்த், ஜூனியர் டி.ஆர். ஆகியோர் நடித்துள்ளனர்.

இப்படத்தின் இசை வெளியீட்டு விழா சென்னையில் நடந்தது. விழாவில் பாண்டிச்சேரி, தெலுங்கானா முன்னாள் ஆளுனர் தமிழிசை சவுந்தரராஜன் கலந்து கொண்டு படத்தின் இசை தட்டை வெளியிட்டு பேசினார்.