ஜெர்மனி, இங்கிலாந்து நாடுகளில் தொழில் அதிபர்களை சந்திக்கிறார்

தமிழ்நாட்டுக்கு இதுவரை ரூ.10 லட்சம் கோடிக்கு முதலீடுகள் ஈர்க்கப்பட்டு உள்ளது. இந்த நிலையில் மேலும் தொழில் முதலீடுகளை ஈர்க்க , தமிழ்நாடு முதல் அமைச்சர் மு.க. ஸ்டாலின் இன்று வெளிநாடுகளுக்கு செல்கிறார். அவர் ஜெர்மனி, இங்கிலாந்து நாடுகளில் தொழில் அதிபர்களை சந்திக்கிறார்.

- 

முதல்வர் மு.க. ஸ்டாலினின் இங்கிலாந்து, ஜெர்மனி பயண விவரங்கள் வெளியாகியுள்ளது. தமிழ்நாட்டுக்கு தொழில் முதலீடுகளை ஈர்க்க முதல்வர் ஸ்டாலின் 10 நாள் பயணமாக வெளிநாடுகளுக்கு இன்று செல்கிறார்.

முதலமைச்சர் மு.க. ஸ்டாலின் தொழில் ஒப்பந்தங்களை மேற்கொள்ள, 5 ஆம் முறையாக வெளிநாடு செல்கிறார். இந்த முறை லண்டன், ஜெர்மனி ஆகிய நாடுகளுக்கு 10 நாட்கள் செல்ல உள்ளார். வரும் 30 ஆம் தேதி (ஆகஸ்டு 30) சென்னையில் இருந்து கிளம்பும் முதல்வர் ஸ்டாலின், செப்டம்பர் 8ஆம் தேதி வரை சுற்றுப்பயணம் மேற்கொண்டு, முதலீடுகளை ஈர்க்க உள்ளார். இதுவரை அவர் தமிழ்நாட்டுக்காக ரூ.10 லட்சம் கோடி முதலீட்டை ஈர்த்து உள்ளார்.