தோட்டத்து வீட்டில் தனியாக வசித்த தம்பதிகளின் வளர்ப்பு நாய் மர்மமான முறையில் உயிரிழந்த விவகாரத்தில் 2 தனிப்படைகள் அமைப்பு

ஈரோடு மாவட்டம் சென்னிமலை அடுத்த சொக்கநாதபாளையத்தில் கீழ்பவானி வாய்க்கால் கரையோரம் உள்ள தோட்டத்து வீட்டில் பாஸ்கர் (வயது 50) கலைவாணி (42) தம்பதியினர் வசித்து வருகின்றனர். இவர்களது மகன் சென்னையில் பணிபுரிந்து வருகிறார். விவசாயம் செய்து வரும் தம்பதியினர் வீட்டில் தனியாக வசித்து வரும் நிலையில் பாதுகாப்பிற்காக நான்கு நாய்களை வளர்த்து வந்துள்ளனர்.

- 

கலைவாணி திருப்பூர் பா.ஜ.க.வின் பொறுப்பாளராக இருந்து வருகிறார். வழக்கம்போல நேற்று முன்தினம் தங்களின் வேலையை முடித்து விட்டு கணவன் மனைவி இருவரும் தூங்கச் சென்றனர்.

அப்போது வழக்கத்துக்கு மாறாக நாய்கள் பலமாக நீண்ட நேரம் குரைத்துள்ளது. இதனால் அச்சத்தில் இருந்த தம்பதியினர் வெளியே வராமல் வீட்டுக்குள்ளே இருந்தனர். மேலும் இது குறித்து உறவினர்களுக்கு போன் மூலம் தகவல் தெரிவித்தனர்.