செய்யாறில் 19-ம் தேதி அதிமுக கண்டன ஆர்ப்பாட்டம்

தமிழ் நாட்டில் விடியா திமுக ஸ்டாலின் மாடல் அரசு பதவியேற்றதில் இருந்து, மக்களின் அத்தியாவசிய மற்றும் அடிப்படைத் தேவைகள் நிறைவேற்றப்படுவதில் சுணக்கம் ஏற்பட்டுள்ளது. நிர்வாகத் திறனற்ற முதல்-அமைச்சர் ஸ்டாலின், தனது குடும்ப நலன் ஒன்றை மட்டுமே குறிக்கோளாகக்கொண்டு செயல்பட்டு வருகின்ற காரணத்தால், மக்கள் பல்வேறு வகைகளில் சொல்லொண்ணா வேதனையை சந்தித்து வருகின்றனர்.

- எடப்பாடி பழனிசாமி அறிவிப்பு

திமுக அரசைக் கண்டித்தும்; மக்களின் தேவைகளை உடனடியாக நிறைவேற்றிட வலியுறுத்தியும் கண்டன ஆர்ப்பாட்டம் நடைபெறும் என தெரிவித்துள்ளார்.

அதிமுகபொதுச்செயலாளரும், எதிர்க்கட்சித் தலைவருமான எடப்பாடி பழனிசாமி வெளியிட்டுள்ள அறிக்கையில் தெரிவித்திருப்பதாவது :-

அந்த வகையில், திருவண்ணாமலை வடக்கு மாவட்டம், செய்யாறு சட்டமன்றத் தொகுதிக்கு உட்பட்ட இடங்களில் நடைபெற்று வரும் பல்வேறு மக்கள் விரோதச் செயல்களை தடுத்து நிறுத்துவதற்கு நடவடிக்கை எடுக்குமாறு அப்பகுதி வாழ் மக்கள் தொடர்ந்து கோரிக்கை வைத்த வண்ணம் உள்ளனர். அதன் விபரம் வருமாறு:

* செய்யாறு சிப்காட் தொழிற்சாலையில் உள்ளூர் மக்களுக்கு வேலை வழங்காமல் வெளி மாநிலத்தவருக்கு வேலை வாய்ப்புகளை வழங்கி, உள்ளூர் மக்களுக்கு அநீதி இழைக்கப்பட்டு வருவதை, விடியா திமுக அரசு கண்டும் காணாமலும் இருந்து வருகிறது.