சென்னை மெட்ரோ கர்டர் விழுந்த விபத்து: எல் அண்டு டி நிறுவனத்திற்கு ரூ.1 கோடி அபராதம்

மெட்ரோபணியின் போதுகர்டர் விழுந்து ஒருவர் உயிரிழந்த சம்பவத்தில் எல் அண்டு டி நிறுவனத்திற்கு ரூ.1 கோடி அபராதம் விதிக்கப்பட்டு, கவனக்குறைவாக பணியாற்றியதாக 4 பொறியாளர்கள் பணி நீக்கம் செய்யப்பட்டுள்ளனர்.

- 

சென்னை மெட்ரோ ரயில் இரண்டாம் கட்ட பணியில் பூந்தமல்லி - கிண்டி இடையேயான பாதையில் இரவு, பகலாக பணிகள் நடைபெற்று வருகின்றன. இந்நிலையில் கடந்த ஜூன் 12 ஆம் தேதி இரவு மெட்ரோ ரயில் மேம்பாலத்தின் கீழ் அமைக்கப்பட்டு வரும் மேம்பாலத்தின் தூண் திடீரென சரிந்து கீழே விழுந்தது. அதில் அந்தப் பகுதி வழியாக இரு சக்கர வாகனத்தில் சென்று கொண்டிருந்த காட்டுப்பாக்கம் பகுதியை சேர்ந்த ரமேஷ் என்பவர் உயிரிழந்தார்.