Mansion sa Bahrain, ‘di naman daw talaga sa kanila...IVANA SA MGA BASHERS: INGGIT LANG KAYO!

TINANGGI ni Ivana Alawi ang tsikang inuupahan lang niya ang bahay sa Bahrain at hindi totoong pag-aari niya tulad ng kanyang claim.

- ni VINIA VIVAR

Sa pinaka-latest vlog ng aktres/content creator kung saan ay sumalang siya sa lie detector test kasama ang inang si Mommy Fatima at kapatid na si Hash Alawi, isa sa mga naitanong sa kanya ay kung inuupahan lang niya sa Airbnb ang bahay sa Bahrain.

"No, that's our house," sagot ni Ivana.

'Truth' ang resulta ng lie-detector machine.

Litanya ng aktres, "Alam mo, hindi ako ganu'n kagaling gumawa ng kuwento, ng istorya na kung saan ako lumaki, 'di ba? Ikinuwento ko talaga kung saan kami lumaki."

Ipinaliwanag din niya kung bakit wala siyang larawan na naka-display sa nasabing mansion.

"Kaya naman wala talaga akong litrato du'n, ba't ako maglalagay ng litrato, 'di naman kami nakatira du'n?" katwiran niya.

"Lahat ng istorya na sinabi ko, du'n talaga kami lumaki," dagdag pa niya.

Sinabi rin niya ang dahilan kung bakit nila ibinebenta ang bahay sa Bahrain na ipinamana ng kanyang pumanaw na Moroccan father.