MGA DAHILAN KUNG BAKIT MINAMALAS

Dear Maestro, Isa akong single mom na walang trabaho at umaasa lang sa bigay ng mga magulang ko.

- 

Iniwan ako ng boyfriend ko matapos niyang malamang nagdadalantao ako. Hiyang-hiya ako sa mga magulang ko, dahil ako pa naman ang panganay, pero hanggang ngayon ay nakaasa pa rin ako sa kanila.

Maestro, gusto ko nang mabago ang kapalaran ko, may pag-asa pa kaya ako muling makapag-asawa at makakapagtrabaho? Kailan din kaya gaganda ang magulo kong kapalaran?

Ang birthday ko ay August 13, 1994.

Umaasa, Kat ng Tabang, Guiguinto, Bulacan

Dear Kat,

Malamang pinangingibabawan ka ngayon ng negatibong impluwensiya ng planetang Uranus na kumakatawan sa birth date mong 4 at Saturno, na siya ring destiny number mong otso (8) (8+13+1994-2015/ 20+15=35/ 3+5=8). Kung saan, sa sandaling tumanglaw sa birth chart ng indibidwal ang Uranus-Saturn cycle, kahit ano'ng pagpipilit ng tao na kumawala sa madilim na impluwensiya ng nasabing planeta, malabo siyang makatakas sa magulong kapalaran.

Ang Uranus-Saturn cycle ang nagdudulot sa indibidwal ng mabibigat na problemang hindi niya inaasahan, gayundin nagtataka pa siya kung bakit tila hindi matapus-tapos ang kanyang problema na kung tutuusin ay halos hindi naman siya ang may kagagawan, bagkus, dumarating lang ito nang hindi niya inaasahan.