Para tuluy-tuloy na gumanda ang kapalaran... OFW NA GUSTONG MAG-CANADA, DAPAT WALANG PUTOL ANG PIRMA

1. Ang birthday ko ay October 14, 1982, habang ang mister ko naman ay September 30, 1981. Sa ngayon ay nagtatrabaho ako rito sa Kuwait, at nag-a-apply rin kami sa Canada.

- 

2. Maestro, may pag-asa ba kaming makarating sa Canada?

KASAGUTAN

1. Kapansin-pansin ang kapwa malawak na Travel Line (Drawing A. at B. t-t arrow a.) sa kaliwa at kanan mong palad. Ibig sabihin, nakatakda sa iyong kapalaran ang makarating sa iba't ibang panig ng mundo, na madali namang kinumpirma ng birth date mong 14 o 5 (ang 14 ay 1+4=5) na nagtataglay ng ruling planet na Mercury. Ibig sabihin, tulad ng nagaganap at naganap na, ang mga pangingibang-bansa ay sadyang nakatakda sa iyong kapalaran.

2. Ang problema na nga lamang ay ang iyong signature, kung saan kapansin-pansin na maraming beses mong hininto ang iyong lagda, sa halip na ituluy-tuloy, at 'yun nga ang dahilan kung bakit laging naaantala ang mga plano at pinapangarap mo sa buhay. Kaya hindi rin tuloy matuluy-tuloy ang lahat ng mga binabalak mo sa buhay, kasi nga putul-putol mong isinulat ang iyong lagda.