స్థానికపై సమరం..?

నేడు తెలంగాణ కేబినేట్ కీలక భేటీ

- 

స్థానిక ఎన్నికలెప్పుడంటూ హైకోర్టు ప్రశ్న కురిపిస్తుంటే.. నిధులు లేక గ్రామాల్లో కుంటుబడిన అభివృద్ధితో గ్రామీణుల్లో రోజురోజుకి పెరుగుతున్న అసహనం. ఇలాంటి సందిగ్ధత సమయంలో నేడు జరుగుతున్న మంత్రివర్గ సమావేశం..

• ఇప్పటికే ఎన్నికల నిర్వహణపై హైకోర్టు ప్రశ్నలు

• దీంతో నేడు జరిగే కేబినెట్ మీటింగ్పై సర్వత్రా ఆసక్తి

• రిజర్వేషన్లపై స్పష్టత వచ్చేవరకు ఎన్నిక వాయిదా..?

• నవంబర్ 3, 4 వారాల్లో స్థానిక ఎన్నికల నిర్వహణ?

• బీసీ రిజర్వేషన్లపై మంత్రివర్గంలో భారీగా చర్చలు..

• పాత పద్ధతిలోనే ఎన్నికలకు వెళ్లే అవకాశం..?

• ఇదే జరిగితే మళ్లీ షెడ్యూల్ జారీ అయ్యే అవకాశం

హైదరాబాద్ 22 అక్టోబర్ (ఆదాబ్ హైదరాబాద్): మొన్నటి దాకా బీసీ రిజర్వేషన్ల అంశం కోర్టు చుట్టూ చక్కర్లు కొట్టింది. ఇక ఆ అంశం కేబినేట్ కోర్టులో పడింది.. ఇక తేల్చాల్సిందే అమాత్యులే.. ఇప్పటికే స్థానిక ఎన్నికలెప్పుడంటూ హైకోర్టు ప్రశ్నలు కురిపిస్తుంటే.. ఒకవైపు బీసీ రిజర్వేషన్ల చట్టబద్ద అమలు తర్వాతే ఎన్నికలంటున్న బీసీ సంఘాలు.. మరోవైపు నిధులు లేక గ్రామాల్లో కుంటుబడిన అభివృద్ధితో గ్రామీణుల్లో రోజురోజుకి పెరుగుతున్న అసహనం. ఇలాంటి సందిగ్ధత సమయంలో నేడు జరుగుతున్న మంత్రివర్గ సమావేశంపై సర్వత్రా ఆసక్తి నెలకొంది. ఎన్నికలకు వెళ్లాల్సి వస్తే పాత పద్దతిలోనా... లేదంటే పార్టీ పరంగా రిజర్వేషన్లు ఇచ్చి బీసీల సంతృప్తితోనా.. అనేది అమాత్యుల నిర్ణయంతో నేడే తేలనుంది సర్కారు స్థానిక ఎన్నికలకు సిద్ధమవుతోంది. వచ్చే నెలలో మళ్లీ షెడ్యూల్ జారీ అయ్యే అవకాశాలున్నాయి.