బకాయిల భారంతో విద్యార్థుల భవిష్యత్తు అంధకారం

విద్యాసంస్థలపై కోలుకోలేని దెబ్బ

- 

రాష్ట్రంలో రూ.8వేల కోట్లకు పైగా ఫీజు రీయింబర్స్మెంట్ పెండింగ్

• గత పాలకుల పాపం.. నేటి విద్యార్థుల భవిష్యత్తుకు శాపం..

• పేద విద్యార్థుల కళలు నిలబెట్టడం ప్రభుత్వాల కనీస బాధ్యత

• ఆ బాధ్యతను నిలబెడితేనే రాష్ట్రం నిజమైన విద్యాశక్తిగా నిలుస్తుంది

• ఫీజ్ రీయింబర్స్మెంట్ పథకం లోపాల కారణంగా కుదేలయిన విద్యారంగం

• ఫీజ్ రీయింబర్స్మెంట్ కేవలం పథకం కాదు... అది పేద తల్లిదండ్రుల కల

• విద్యార్థుల ఆత్మవిశ్వాసం, రాష్ట్ర ప్రగతికి పునాది. సమాజ భవిష్యత్తు...

• ఆ పునాదిని దెబ్బతీయడం అంటే, తెలంగాణ భవిష్యత్తునే ధ్వంసం చేయడమే..

హైదరాబాద్ 13 సెప్టెంబర్ (ఆదాబ్ హైదరాబాద్): దశాబ్ద కాలంగా కోన సాగుతున్న ఫీజు రీయింబర్స్మెంట్ బకాయిలు గజిబిజి విద్యాసంస్థల పతనం, విద్యార్థుల కలలు మటుమాయం.. ఇవన్నీ ఒకే ప్రశ్నని మన ముందుంచుతున్నాయి..“ప్రజల ఓటుతో గెలిచిన ప్రభుత్వాలు, పేద పిల్లల విద్యా భవిష్యత్తు కోసం ఇచ్చిన హామీలను ఎందుకు నెరవేర్చలేకపోతున్నాయని..? పాలకులు పిల్లల కలలను నెరవేర్చే బాధ్యతను వదిలేసి, దానిని ఎన్నికల మీటింగులలో ఓటు కోసమే వినియోగిస్తే, అది కేవలం మోసం మాత్రమే కాదు.. సమాజ భవిష్యత్తుపై పెద్ద నేరం కూడా. ఈరోజు విద్యార్థులు బకాయిపడ్డ ఫీజుల కోసం కళాశాల తలుపులు తట్టి తిరుగుతున్నారంటే, రేపు ఈ రాష్ట్రం అవకాశాల కోసం వలస వెళ్ళే నిరుద్యోగుల గూడు అవుతుందని గుర్తుంచుకుంటే మంచిది. విద్యా రంగంలో శిధిలమవుతున్న ఆశలను నిలబెట్టడం కోసం ఇప్పుడు తక్షణమే చర్యలు తీసుకోకపోతే.. తెలంగాణ భవిష్యత్తు చీకటిలో మునిగిపోతుంది. ఫీజు రీయింబర్స్మెంట్ కేవలం పథకం కాదు.. అది పేద తల్లిదండ్రుల కల, విద్యార్థుల ఆత్మవిశ్వాసం, రాష్ట్ర ప్రగతికి పునాది. ఆ పునాదిని దెబ్బతీయడం అంటే, తెలంగాణ భవిష్యత్తునే సమూలంగా నాశనం చేయడమే అవుతుంది.