సేంద్రియ వ్యవసాయమే రైతులకు రక్షణ

ఆరోగ్యశ్రీ అన్నా..వైఎస్సే.ఎవ్వరు కూడా రద్దు చేయని పథకాలు అవి.. వైఎస్ బాటలోనే తానూ ముందుకు వెళుతున్నా - సీఎం రేవంత్

- 

ఈ తరానికి ఒకే వైఎస్సార్ .. ఒకే కేవీపీ ఉంటారు..ఉచిత విద్యుత్ అంటే వైఎస్...

• వైఎస్ కలలుకన్న ప్రాణహిత చేపట్టి పూర్తి చేస్తాం

• సేంద్రీయ వ్యవసాయం వైపు రైతులను ప్రోత్సహించాలి.

• వైఎస్సార్ మెమోరియల్ అవార్డుల కార్యక్రమంలో సీఎం రేవంత్రెడ్డి వెల్లడి

• సేంద్రియ వ్యవసాయవేత్త సుభాష్ పాలేకర్కు అవార్డు అందచేత

మాజీ ముఖ్యమంత్రి డాక్టర్ వై. ఎస్. రాజశేఖర రెడ్డిని రెండు తెలుగు రాష్ట్రాల్లో ఇప్పటికీ గుండెల్లో పెట్టుకునే అనేక మంది ఉన్నారు. వైఎస్సార్ను ఒక రాజకీయ నేతగా కాదు..తమ ఇంట్లో ఒకవాడిగా భావిస్తారు అనేక మంది. వైఎస్ను రాజకీయంగా విభేదించే వారు సైతం ఆయన వద్దకు వెళ్లి వచ్చిన తర్వాత ఆయన ఫ్యాన్గా పక్కాగా మారిపోవడం ఖాయం. ఎందుకంటే ఆయన చూపించే ఆదరణ. ఆయన తన వద్దకు వచ్చిన వాళ్ల పట్ల చూపించే ఆప్యాయత కావచ్చు. ఆయన భుజం తట్టి చేయి వేస్తే చాలు అదొక ధైర్యంగా భావించిన ఎందరో రాజకీయ నేతలున్నారు. ఆయనను ఒకసారి కలిస్తే చాలు అని అనుకునే వాళ్లు కోకొల్లలు.పంచెకట్టులో అచ్చమైన తెలుగుతనం నిండిన నేతను దూరం నుంచి చూసేవారికి అంత భయమో... దగ్గరగా వెళ్లిన వారికి అంత అనురాగం కలుగుతుందనడంలో సందేహమే లేదు..