బీఆర్ఎస్ స్థానంపై కాంగ్రెస్ గురి

• జూబ్లీహిల్స్ ఉపఎన్నికపై సర్వత్ర ఆసక్తి ఉప ఎన్నికలో పోటీచేసేందుకు కాంగ్రెస్లో త్రిముఖ పోరు • బరిలోకి దిగేందుకు నవీన్ యాదవ్, అజారుద్దీన్, అంజన్ కుమార్ యాదవ్ కాంగ్రెస్ అధిష్టానం చుట్టూ చక్కర్లు

- 

• బీసీ నాయకుడి వైపే కాంగ్రెస్ మొగ్గన్న రాజకీయ విశ్లేషకులు

• నియోజకవర్గంలో నవీన్ యాదవ క్కు ప్రజల నుంచి మద్దతు • ఢిల్లీ పెద్దలతో అజారుద్దీన్ మాటమంతీ

• నియోజకవర్గంపై మంత్రులు, ఎమ్మెల్యేలు ప్రత్యేక ఫోకస్

• సిట్టింగ్ స్థానాన్ని నిలబెట్టుకునే ప్రయత్నంలో బీఆర్ఎస్

హైదరాబాద్ 23, ఆగస్టు (ఆదాబ్ హైదరాబాద్): రాష్ట్రంలో కాంగ్రెస్ ప్రభుత్వం అధికారంలోకి వచ్చి ఇరవై నెలలు: కావొస్తున్న సందర్భంగా జూబ్లీహిల్స్ నియోజకవర్గ ఉపఎన్నిక ప్రతిష్టాత్మకం కానుంది. దీంతో ఈ ఎన్నిక హైదరాబాద్ మాత్రమే కాక రాష్ట్ర వ్యాప్తంగా మంచి బజ్ క్రియేట్ చేస్తోంది.

2023 అసెంబ్లీ ఎన్నికలో హైదరాబాద్ పరిధిలోని 15 నియోజకవర్గాలలో బోనీ కొట్టని కాంగ్రెస్ ఓటమి చవి చూసి గెలుపే లక్ష్యంగా పావులు కదుపుతోంది.

తెలంగాణ రాష్ట్ర ఏర్పాటు అనంతరం జరిగిన శాసనసభ ఎన్నికల్లో వరుసగా మూడుసార్లు 2014లో తెదేపా, 2018, 2023 ఎన్నికల్లో బీఆర్ఎస్ పార్టీ జూబ్లీహిల్స్ సీట్ కైవసం చేసుకుంది. 2014లో నియోజకవర్గ ఎమ్మెల్యేగా తెదేపా పార్టీ నుంచి ఎన్నికైన మాగంటి గోపినాథ్ తర్వాత తెలంగాణ రాష్ట్ర సమితిలోకి చేరి ఎమ్మెల్యేగా కొనసాగారు. ఈ ఏడాది జూన్ 8న ఆయన మరణాంతరం నియోజకవర్గం ఉపఎన్నిక అనివార్యం అయ్యింది. ఈ ఎన్నికపై రాష్ట్రంలోని రాజకీయపార్టీలు ఆశలు పెంచుకున్నాయి. ముఖ్యంగా ఈ ఉపఎన్నికపై అధికారంలోని కాంగ్రెస్ పార్టీ, ప్రతిపక్షంలోని బీఆర్ఎస్, బీజేపీ పార్టీల మధ్య వార్ కొనసాగుతుంది. నియోజకవర్గంలో గత మూడు సార్లు జరిగిన ఎన్నికల్లో పరాజయం పాలైన కాంగ్రెస్ పార్టీ బీఆర్ఎస్ సిట్టింగ్ స్థానాన్ని గెలిచేందుకు వ్యూహాలు రచిస్తుంది.

కాంగ్రెస్లో పెరుగుతున్న ఆశవాహులు