తెలంగాణలో మరమగ్గాల కార్మికుల ఆర్థిక సంక్షోభం

సీఎం రేవంత్రెడ్డికి బొల్ల శివశంకర్ విజ్ఞప్తి

- 

హైదరాబాద్, 25 జూలై (ఆదాబ్ హైదరాబాద్): తెలంగాణలో మరమగ్గాల కార్మికులు తీవ్ర ఆర్థిక, సామాజిక సమస్యలను ఎదుర్కొంటు న్నారని, వీటి కారణంగా వారి జీవనోపాధి కష్టతరమవుతోందని అఖిల భారత పద్మశాలి రాజకీయ విభాగ జాతీయ అధ్యక్షుడు బొల్ల శివశంకర్ ఆవేదన వ్యక్తం చేశారు. ఈ సమస్యలను సీఎం రేవంత్ రెడ్డి దృష్టికి తీసుకువెళ్లిన ఆయన, తగిన చర్యలు తీసుకోవాలని ప్రభుత్వాన్ని కోరారు.

తక్కువ కూలీ రేట్లు.. ఉపాధి కొరత

ప్రత్యేకంగా సిరిసిల్ల, పట్నంలో ఉన్న మర మగ్గాల కార్మికులు తక్కువ కూలీ రేట్లతో జీవనో పాధి కోసం పోరాడుతున్నారు. యజమానులు కూలీలను పెంచడానికి ముందుకు రావడం లేదని, ప్రభుత్వ ఆర్డర్లు ఆలస్యమవడంతో వేల మంది కార్మికులు ఉపాధి కోల్పోతున్నారని తెలిపారు. బతుకమ్మ చీరల ఆర్డర్ల బిల్లులు సకాలంలో చెల్లించకపోవడం వల్ల వేతనాలు ఆలస్యం అవుతున్నాయని చెప్పారు.