అఖిల భారత సర్వీస్ అధికారులకు బిగ్ షాక్

• కేంద్ర ప్రభుత్వం కీలక నిర్ణయం • ఆమ్రపాలి, రోనాల్డ్ రోస్, వాణిప్రసాద్, ప్రశాంతిలకు ఏపీలో కేటాయింపు..

- 

• వెంటనే రిపోర్ట్ చేయాలంటూ డీఓపీటీ ఆర్డర్

• కేడర్ మార్పు కోసం చేసుకున్న విజ్ఞప్తులను తిరస్కరించిన డీఓపీటీ

• కేటాయించిన కేడర్ రాష్ట్రాల్లోనే కొనసాగాలని స్పష్టం

• ఈమేరకు ఐఏఎస్, ఐపీఎస్లకు కేంద్రం ఆదేశాలు

• తెలంగాణ, ఆంధ్రప్రదేశ్లో పనిచేస్తున్న పలువురికి రిలీవ్ ఆర్డర్

హైదరాబాద్ 10, అక్టోబర్ (ఆదాబ్ హైదరాబాద్): ఆంధ్రప్రదేశ్, తెలంగాణ రాష్ట్రాల్లో పని చేస్తున్న అఖిల భారత సర్వీస్ అధికారులకు కేంద్ర సిబ్బంది వ్యవహారాల శాఖ బిగ్ షాక్ ఇచ్చింది. తెలంగాణ, ఆంధ్రప్రదేశ్ కేడర్ విభజనపై కేంద్ర ప్రభుత్వం కీలక నిర్ణయం తీసుకుంది. కేడర్ మార్పు కోసం చేసుకున్న విజ్ఞప్తులను డీఓపీటీ తిరస్కరించింది. కేటాయించిన కేడర్ రాష్ట్రాల్లోనే కొనసాగాలని స్పష్టం చేసింది. ఈ మేరకు రెండు తెలుగు రాష్ట్రాల్లో పని చేస్తున్న ఐఏఎస్, ఐపీఎస్ అధికారులకు డీఓపీటీ ఆదేశాలు జారీ చేసింది. గ్రేటర్ హైదరాబాద్ మున్సిపల్ కార్పొరేషన్ కమిషనర్గా కొనసాగుతున్న ఆమ్రపాలి కాట, విద్యుత్ శాఖ కార్యదర్శిగా కొనసాగుతున్న రోనాల్డ్ రోస్, వాణిప్రసాద్, ప్రశాంతితో పాటు పలువురు అధికారులను ఏపీ కేడర్కు కేటాయిస్తూ కేంద్రం నిర్ణయం తీసుకుంది. వాకాటి కరుణ, రోనాల్డ్ రోస్, ఆమ్రపాలి, వాణీప్రసాద్, మల్లెల ప్రశాంతి తదితర అధికారులు తమను తెలంగాణకు కేటాయించాలని కేంద్రాన్ని అభ్యర్థించారు.అయితే, వారందర్నీ తెలంగాణ నుంచి ఏపీకి వెళ్లాని కేంద్రం ఆదేశించింది. ఈ మేరకు ఐఏఎస్ అధికారులు పేరుతో లేఖను రాస్తూ.. వాటి కాపీలను తెలంగాణ, ఏపీ చీఫ్ సెక్రెటరీలకు కేంద్రం పంపింది.