మాకినేని బసవపున్నయ్య

లెజెండ్

- 

రామ కిష్టయ్య సంగన భట్ల, 9440595494

భారత దేశంలో ప్రముఖ కమ్యూ నిస్టు నేతల్లో మాకినేని బసవ పున్నయ్య ఒకరు. విద్యార్థి సంఘం నేతగా ప్రారంభమైన ఆయన రాజ కీయ ప్రస్థానంలో తొలుత కాంగ్రెస్ లోనే ఓనమాలు దిద్దుకున్నారు. అనంతరం కమ్యూనిస్టు భావాలు ఆకర్షించడంతో సీపీఐలో చేరారు. తెలంగాణ సాయుధ పోరాటంలో పాల్గొని అనంతరం సీపీఎం ఆవిర్భా వంలో కీలక పాత్ర పోషించారు. ఆ క్రమంలో ఆయన అంతర్జాతీయ స్థాయి కమ్యూనిస్టు నేతలైన స్టాలిన్, లవ్, సుస్లోవ్, మాలెంకోవ్లతో చర్చలు జరిపారు. అలాగే చైనా కమ్యూనిస్టు దిగ్గజాలు మావోసేటుంగ్, చౌఎన్ తోనూ పున్నయ్య సన్నిహిత సంబంధాలు కలిగి ఉన్నారు. 1952 నుంచి 1966 వరకు రాజ్యసభ సభ్యునిగా పని చేశారు. కార్ల్ మార్క్స్, లెనిన్ సిద్ధాంతాలకు కట్టుబడి, జీవి తాంతం రాజీ ఎరగని పోరాట యోధునిగా నిలిచి పోయారు.