బుడత

పొట్టేలు పంతం

- -డా. పోతగాని సత్యనారాయణ 9182531202

బాలల కథ

ఒక దట్టమైన అడవిలో గొర్రెల మంద ఒకటి నివసించేది. మందకు నాయకుడు కొమ్ముల పొట్టేలు. పేరుకు తగ్గట్టే, అది చాలా తన గలది, పంతం పడితే వెనక్కి తగ్గేది కాదు. అదే మందలో ముసలి పొట్టేలు ఒకటి ఉండేది.

దానికి లోకజ్ఞానం, అనుభవం మెండుగా ఉండేవి, అందుకే మందలోని చాలా గొర్రెలు దాని మాటలను గౌరవించేవి.

ఆ అడవి మధ్యలో పెద్ద నది ఒకటి ప్రవహించేది. వేసవి కాలం రావడంతో నది ఇవతలి ఒడ్డున ఉ న్న మేత తగ్గిపోయింది. ఆహారం కొరతతో గొర్రెలు బాధపడుతున్నాయి.

ఒకరోజు, నది ఒడ్డున కొమ్ముల పొట్టేలు మేస్తుండగా, నది ఆవలి ఒడ్డునుండి ఒక నక్క గట్టిగా ఊలపెట్టి దాన్ని పలకరించింది.

"పొట్టేలా! ఏం ఆలోచిస్తున్నావు? ఈ నదిని ఈది ఇవతలి ఒడ్డుకు చేరుకో! చూడు, ఇక్కడ కావలసినంత పచ్చటి మేత ఉంది, మీ మంద మొత్తానికి సరిపోతుంది!” అని ఎర వేసింది.