నన్ను సమస్యగా చూడకండి... నన్ను అర్థం చేసుకోండి!

పిల్లల మౌనం వెనుక దాగి ఉన్న భావజాలాన్ని గుర్తించడమే నిజమైన సహాయం

- డా. అట్ల శ్రీనివాస్ రెడ్డి

నన్ను సమస్యగా చూడకండి %% నన్ను అర్థం చేసుకొనే వారు కావాలి. ఇది కేవలం ఒక మాట కాదు, అనేక మంది పిల్లల మనసులో ప్రతిరోజూ వినిపించే మౌనంగా అరుస్తున్న ఆర్తనాదం. పెద్దలు ఈ ఆర్తనాదం ను వినగలుగుతున్నారా...... బిజీ జీవితంలో తల్లిదండ్రులు, ఉపాధ్యాయులు తరచూ చిన్నప్పుడు పిల్లలు ఇంతే ఇలాగే చేస్తారు మీరు ఇంకా బుద్ధి ఎప్పుడు తెచ్చుకుంటారో అని సులభంగా కొట్టిపారేస్తారు. ఈ తేలికపాటి మాటలు పిల్లల మనసులో గాయాలుగా మిగులుతాయి. పిల్లలను నీకు ఏం కావాలి? అని అడిగినా, నీకు ఏం అనిపిస్తోంది? అని అడగడం మాత్రం చాలా అరుదు. ఈ తేడా వల్ల పిల్లలు తమ భావజాలాన్ని బయట పెట్టక మౌనంగా మిగిలిపోతారు. అలా వారి లోకానికి తలుపులు వేసినప్పుడు, పెద్దలు సహాయం చేయగల మార్గం మూసుకుపోతుంది.