భరతమాత మెచ్చిన రత్నం మన రతన్ నవల్ టాటా

ప్రపంచ ప్రఖ్యాత పారిశ్రామిక వేత్త, టాటా గ్రూపు/టాటా సన్స్ కంపెనీలకు 21 ఏళ్ల పాటు చైర్మన్గా పని చేసి, దాతృత్వానికి పెట్టింది పేరుగా నిలిచి, భారతీయులందరికీ గర్వకారణం అయిన రతన్ నవల్ టాటా 28 డిసెంబర్ 1937న సూనీ టాటా - నవల్ టాటా పుణ్య దంపతులకు ముంబాయిలో జన్మించారు.

- డా: బుర్ర మధుసూదన్ రెడ్డి, 9949700037

ప్రపంచ ప్రఖ్యాత పారిశ్రామిక వేత్త, టాటా గ్రూపు/టాటా సన్స్ కంపెనీలకు 21 ఏళ్ల పాటు చైర్మన్గా పని చేసి, దాతృత్వానికి పెట్టింది పేరుగా నిలిచి, భారతీయులందరికీ గర్వకారణం అయిన రతన్ నవల్ టాటా 28 డిసెంబర్ 1937న సూనీ టాటా - నవల్ టాటా పుణ్య దంపతులకు ముంబాయిలో జన్మించారు. తన 10వ ఏట తల్లితండ్రులు విడిపోవడంతో నాన్నమ్మ నవల్బాయ్ టాటా వద్ద పెరిగారు. పాఠశాల విద్యను “చాంపియన్ స్కూల్” (ముంబయి), “జాన్ క్యానన్ స్కూల్" (ముంబాయి), “బిషప్ కాటన్ స్కూల్" (సిమ్లా)ల్లో పూర్తి చేశారు. అనంతరం 1962లో తన 17వ ఏట "కార్నెల్ యూనివర్సిటీ"లో ఆర్కిటెక్చర్లో బ్యాచిలర్ డిగ్రీ పొందారు. కొంత కాలం జెమెడ్పూర్ టాటా ఇండస్ట్రీస్లో అసిస్టెంట్గా ఉద్యోగం చేసిన పిదప 1975లో "హార్వర్డ్ బిజినెస్ స్కూల్లో మేనేజ్మెంట్"లో మేనేజ్మెంట్ కోర్సును సహితం పూర్తి చేశారు.