వంద వత్సరాల హైదరాబాద్ అంగడులు

తెలంగాణ రాష్ట్ర రాజధాని హైదరాబాద్ నగరం మినీ భారతం నుండి విశ్వనగరం గా మారింది.

- డాక్టర్. ఎస్. విజయ భాస్కర్, 9290826988

తెలంగాణ రాష్ట్ర రాజధాని హైదరాబాద్ నగరం మినీ భారతం నుండి విశ్వనగరం గా మారింది. ప్రపంచంలోని అన్ని వస్తువులు, బట్టలు, గృహోపకరణాలు ఐక్యా, డెకట్లాన్, డి. మార్ట్, రత్నదీప్, లక్ష్మీ దీప్ ఇంకా పెద్ద పెద్ద షాపింగ్ మాల్ లు హైదరాబాద్ లో ఉన్నాయి. అయినప్పటికీ నిజాం కాలం నాటి నుండి ఎర్రగడ్డ అంగడి, గురువారం గురువారం జరిగే జుమ్మేరాత్ బజార్ లలో అగ్గి పెట్టె నుండి అలంకరణ వస్తువులు, కాళ్ళ పట్టీల నుండి కంప్యూటర్ విడిభాగాలు, ఇంట్లో వాడుకునే వస్తువులు, పేద, మధ్యతరగతి కుటుంబాలకు అందుబాటు ధరలో బట్టలు, గృహోపకరణాలు ఉదయం 5 గంటల నుండి రాత్రి 10 గంటల వరకుదొరుకుతున్నాయి.ప్రపంచం కు గ్రామంగా మారి శాస్త్ర, సాంకేతిక, వైజ్ఞానిక రంగాలలో ఎంతో అభివృద్ధి సాధించిన, ఆన్లైన్ మార్కెట్ అందుబాటులో ఉన్నా గత కొంత కాలంగా ఆదివారం వచ్చిందంటే అంగడిల సందడి ఊపందుకుంటుంది వివిధ పేర్లతో భాగ్యనగరం లో పలు పేర్లతో పిలవబడుతున్న వివిధ మార్కెట్ల గురించి ప్రత్యేక కథనం...

తెలంగాణలోని 33 జిల్లాల నుండి, వివిధ మండలాల నుండి, వివిధ గ్రామాల నుండి ప్రజలు శుభ, అశు భ కార్యాలకు ఏమి కొనాలన్నా ప్రజలు హైదరాబాద్ కు వస్తుంటారు. హైదరాబాద్ బట్టలకు, బంగారు, వెండి నగలకు, గాజులకు, ఈత్తర్, వస్త్రాలకు మిగతా సామానులకు ఎంతో ప్రాముఖ్యత కలిగి ప్రసిద్ధి పొందింది. హైద్రాబాద్ బిర్యానీ, మండీ కి ప్రసిద్ధి. హైదరాబాద్ లో బిర్యానీ, చైనీస్ వంటలు, అరేబియా, మొగలాయి వంటలు, ఎగ్ పప్, కర్రీ పప్, ఫాస్ట్ ఫుడ్, పిజ్జా, బర్జర్, మొదలైనవి అనేక ప్రాంతాల్లో అందుబాటులో ఉంటాయి.