వెరైటీ వంటలు

వెరైటీ వంటలు

- 

మునక్కాడలు టమాటా ఆవకాయ పచ్చడి

కావలసిన పదార్థాలు:-1. మునక్కాయ ముక్కలు-రెండు కప్పులు, 2. టమాటా ముక్కలు - ఒక కప్పు, 3. నువ్వులుంమెంతులుం ఆవాలు వేగించి చేసిన పొడి - మూడు స్పూన్లు, 4. తాలింపు గింజలుమినప్పప్పు-ఒక స్పూను, జీరా - ఒక స్పూను, ఆవాలు కొంచెంగా, 5. ఎండుమిర్చి - మూడు, 6. ఇంగువ - అర స్పూను, 7. వెల్లుల్లి తరుగు- ఒక స్పూను, 8. నూనె - తగినంత, 9. ఉప్పు - అరకప్పు, 10. కారం - అర కప్పు, 11. చింతపండు గుజ్జు-పావు కప్పు, 12. పసుపు - ఒక స్పూను.

తయారు చేయు విధానం:- మునక్కాయ ముక్కల్ని, టమాటా ముక్కల్ని బాండీలో వేసి తగినంత నూనె వేసి స్టవ్ మీద పెట్టి పది నిమిషాలు వేగించాలి. మధ్య మధ్యలో కలుపుతుండాలి. ఈ ముక్కలు వేగాక తీసి వెడల్పు గిన్నెలో వెయ్యాలి. మరల స్టవ్ మీద బాండీ పెట్టి తాలింపు గింజలు, ఎండు మిర్చి, తగినంత నూనె వేసి దోరగా వేగాక దీనిలో ఇంగువ, వెల్లుల్లి తరుగు, చింతపండు గుజ్జు వేసి కొద్దిగా చిక్కబడే వరకు వేగించాలి. ఇప్పుడు ఈ గుజ్జులో పసుపు, ఉప్పు,కారం, నువ్వులుంమెంతులుం ఆవాలు మిక్స్ చేసిన పొడి వేసి కలిపి రెండు నిమిషాలు ఉంచి దించి మునక్కాయ ముక్కల్లో వెయ్యాలి. దీనిని బాగా కలపాలి. ఈ మునక్కాయం టమోటా ఆవకాయ పచ్చడిని వేడి తగ్గాక గాలి చొరబడని గాజు సీసాలో నిల్వ చేసుకోవాలి. ఆవకాయ పచ్చడి మంచి పోషక విలువలతో కూడి రుచి చాలా అద్భుతంగా ఉంటుంది.

మునక్కాయలతో ఉలవచారు