20 லட்சம் வேணாம்! நேர்ல வா!

விஜய்யை வெளுத்த தமிழச்சி சங்கவி!

- துரை.மகேஷ்

தன்னுடைய தற்குறி அரசியலுக்கு 41 உயிர்களை களப்பலி கொடுத்த நடிகர் விஜய், மீதமுள்ள மக்களைக் காப்பாற்றாமல் அங்கிருந்து எஸ்கேப்பானது ஊருக்கே தெரியும். இருந்தாலும், கரூரில் எங்களுக்குப் பாதுகாப்பில்லை என்ற வார்த்தைகளை பிரயோகிக்கிறது த.வெ.க. தரப்பு. இந்தவேளையில் விஜய்யை தனது கட்டுப்பாட்டில் வைத்துக்கொள்ள பா.ஜ.க.வும், அ.தி.மு.க.வும் போட்டிபோட்டு வேலைசெய்தது. இதற்காக விஜய் அழைக்கவில்லை என்றாலும் விஜய்யுடன் நாங்கள் இருக்கின்றோம் என வாண்டடாக கூட்டணி என வண்டியைக் கட்டின அ.தி.மு.க., பா.ஜ.க. வருகின்ற அக்டோபர் 17-ஆம் தேதியன்று உயிரிழந்த 41 குடும்பத்தினரை சந்தித்து ஆறுதல்கூற கரூர் வருகின்றார் விஜய் என தங்களுடைய ஐ.டி. விங்க் மூலமாக பரப்பியது த.வெ.க. இதில், கரூர் - ஈரோடு பைபாஸ் சாலைக்கு அருகில் ரெட்டிபாளையம் யத்தில் இருக்கும் எக்ஸ் எம்.எல்.ஏ. வடிவேலுக்குச் சொந்தமான கே.ஆர்.வி. மெரிடியன் ஹோட்டலையும், தாந்தோனிமலைப் பகுதியிலுள்ள எஸ்.கே.பி. மஹால் என்ற திருமண மண்டபத்தையும் வி.ஆர்.எஸ். திருமண மகாலையும் த.வெ.க. நிர்வாகிகள் பார்வையிட்டுள்ளனர்.

இதில் கே.ஆர்.வி. மெரிடியன் ஹோட்டலும், வி.ஆர்.எஸ். திருமண மகாலும் அன்றைய தேதியில் புக் ஆகிவிட்டது. மிச்சமுள்ள எஸ்.கே.பி. மஹாலில் 300 நபர்கள் மட்டுமே இருக்க முடியும் என்ற தகவல் வர, காவல் துறையோ பந்தோபஸ்துக்கு நாங்கள் பொறுப்பு என்றது. அதாவது, பேரிகார்டு அமைத்து பந்தோபஸ்து தருகின்றோம் என்றார் கள். உண்மையான நிலவரப்படி அந்த தங்கையை பாலியல் பலாத்காரம் செய்த தேனி வெல்டிங் தொழிலாளிக்கு 20 ஆண்டுகள் சிறை எஸ்.கே.பி. மஹாலில் குறைந்தது 800 நபர்கள் அமரலாம், டைனிங்கில் 600 நபர்கள் அமரலாம் என்கின்றது மண்டப விவரம்.