சாட்சிகளை கலைக்கும் விஜய்!

-வேடிக்கை பார்க்கும் சி.பி.ஐ.!

- ஆதவன்

கரூரில் 41 பேர் பலியான விவகாரத்தை விசாரித்த உச்ச நீதிமன்றம், கடந்த 13ஆம் தேதி சி.பி.ஐ. விசாரணைக்கு உத்தரவிட்டது. அதையடுத்து, தமிழக வெற்றிக் கழகத்தின் பொதுச்செயலாளர் புஸ்ஸி ஆனந்த் மற்றும் இணைப் பொதுச்செயலாளர் நிர்மல்குமார் ஆகியோருக்கு சி.பி.ஐ. சம்மன் அனுப்பியது. இவ்விவகாரத்தை பொறுத்தவரை, இதுவரை த.வெ.க.வினர் தான் சி.பி.ஐ. தரப்பாலும் குற்றம்சாட்டப் பட்டுள்ளனர். அப்படியானால், வழக்கில் சம்பந்தப்பட்டுள்ள பலியானோரின் குடும்பத்தினரை த.வெ.க. தரப்பினர் சந்தித்தாலோ, அவர்களுக்கு நிதியுதவி செய்தாலோ, அது சாட்சிகளைக் கலைப்பதாகத்தான் வரும். ஆனால் இங்கோ, அனைத்தையும் த.வெ.க.வினர் தொடர்ச்சியாகச் செய்ய, சி.பி.ஐ. தரப்பில் அனைத்தையும் மவுனமாக வேடிக்கை பார்ப்பது, விஜய் எதிர்பார்த்தது போலவே சி.பி.ஐ. அவர்களுக்கு சாதகமாக செயல்படுகிறதோ என்ற சந்தேகத்தை எழுப்புகிறது.