மருத்துவ மாணவரை போருக்கு அனுப்பவுள்ள ரஷ்யா

கடலூர் மாவட்டம் காட்டுமன்னார் கோயிலை அடுத்துள்ள பாளையங்கோட்டை கீழ்ப்பாதியில் வசிப்பவர் சரவணன். இவரது மகன் கிஷோர் (23).

- -அ.காளிதாஸ்

இவர் கடந்த 2021-ஆம் ஆண்டு ரஷ்யாவுக்கு மருத்துவ படிப்பிற்காக சென்றுள்ளார். அப்பொழுது சேலம் அருகேயுள்ள எடப்பாடியை சேர்ந்த நித்திஷ் என்பவருடன் பழக்கம் ஏற்பட்டுள்ளது. இருவரும் அறையெடுத்துத் தங்கியுள்ளனர். இதன் நடுவே மூன்றாம் ஆண்டு மருத்துவப் படிப்பை முடித்துள்ளனர்.

இந்நிலையில் படிப்புச் செலவுக்காக பகுதி நேர வேலை வாய்ப்பு தேடிவந்துள்ளனர். அப்பொழுது கொரியர் நிறுவனத்தில் வேலை யிருப்பதை அறிந்த கிஷோரும், நித்திஷும் வேலைக்குச் சேர்ந்துள்ளனர். வாடிக்கையாளர் களிடம் பொருட்களை டெலிவரி செய்யும் போது அதில் ரஷ்ய நாட்டால் தடைசெய்யப்பட்ட போதைப்பொருள் இருந்துள்ளதாகக் கூறப்படுகிறது. இதனையறிந்த ரஷ்ய காவல்துறையினர் கடந்த 2023ஆம் ஆண்டு மே மாதம் அவர்களை கைதுசெய்து சிறையிலடைத்தனர்.