மோடியை வளைக்க எடப்பாடி திட்டம் பலிக்குமா?

அ.தி.மு.க. -பா.ஜ.க. கூட்டணி உறுதியாகப் பிணைக்கப் பட்டுவிட்ட நிலையிலும், 'எடப்பாடி பழனிச்சாமிதான் முதல்வர் வேட்பாளர்' என அழுத்தம்திருத்தமாகக் கூற மறுத்துவருகிறார் அமித்ஷா.

- -துரை.மகேஷ்

இந்தநிலை இப்படியே தொடர்ந்தால் தொண்டர்களின் அதிருப்தி காரணமாக வரவிருக்கும் சட்டமன்றத் தேர்தலில் அ.தி.மு.க. பள்ளத்தில் விழுந்தாலும் ஆச்சரியப்படுவதற்கு இல்லை என சர்வே ரிப்போர்ட்டுகள் வருகின்றன. அதை மாற்றுவதற்காக தீவிர முயற்சி எடுத்துவருகிறார் எடப்பாடி பழனிச்சாமி.

ஆகவேதான், தமிழகத்தில் தேர்தல் பணிகள் தீவிரமடைவதற்கு முன்பே முதல் ஆளாக களத்திலிறங்கி மக்களையும் தொண்டர்களையும் சந்தித்து வருகிறார் எடப்பாடி.

எம்.ஜி.ஆர் காலத்திலிருந்தே கொங்கு மண்டலமும், தென்மண்டலமும்தான் அ.தி.மு.க.வின் பலம். ஆனால், அ.தி.மு.க.வில் ஏற்பட்ட சண்டை சச்சரவுகள்... கோட்டையாக இருந்த கொங்கு மண்டலத்தில் ஓட்டையைப் போட்டு, தென்மண்டலத்தையும் சிதறியடித்துவிட்டது. போதாக்குறைக்கு ஓ.பி.எஸ்., டி.டி.வி.தினகரன் போன்றோரின் தனி ஆவர்த்தனம் வேறு. இந்த பிளவை சரிப்படுத்த திட்டமிட்ட எடப்பாடி பழனிச்சாமி, கொங்கு மண்டலமான கோவையிலிருந்து தனது ‘மக்களைக் காப்போம்; தமிழகத்தை மீட்போம்!' சுற்றுப்பயணத்தைத் தொடங்கியுள்ளார்.

தனது முதல்கட்ட சுற்றுப்பயணத்தில், வட மாவட்டங்கள் மற்றும் டெல்டா மாவட்டங்களில் மக்களை சந்தித்துவரும் அவர், தனது இரண்டாம் கட்ட சுற்றுப்பயணத்தில் தென்மாவட்டங்களுக்குச் செல்ல திட்டமிட்டுள்ளார்.