இளையபெருமாளுக்கு சிலை!

கடலூர் மாவட்டம் சிதம்பரத்திற்கு ஜூலை 14-ஆம் தேதி ரயில் மூலம் வருகைதந்த முதல்வர் முக.ஸ்டாலின், 15-ஆம் தேதி காலை சிதம்பரம் அரசு மகளிர் மேல்நிலைப்பள்ளியில் பெருந்தலைவர் காமராசர் அவர்களின் 123ஆவது பிறந்தநாளை முன்னிட்டு தமிழ்நாடு அரசின் சார்பில் காமராசர் திருவுருவப் படத்திற்கு மலர்தூவி மரியாதை செய்தார்.

- 

அடுத்து சிதம்பரம் வாண்டையார் திருமண மண்டபத்தில் 'உங்களுடன் ஸ்டாலின்' திட்ட முகாமை தொடங்கிவைத்து, துறைசார்ந்த அரங்கில் மனுக்கள் பதிவுசெய்வதை பார்வையிட்டு, மனுக்களுடன் நின்றிருந்தவர்களுடன் கலந்துரையாடினார். பேட்டையில் அமைக்கப்பட்டுள்ள டாக்டர் பி.ஆர். அம்பேத்கர் திருவுருவச் சிலையைத் திறந்துவைத்தார்.

பின்பு, ஒடுக்கப்பட்ட மக்களுக்காக குரலெழுப்பி பல போராட்டங்களை நடத்தி வெற்றிகண்ட இளையபெருமாள் சிலையைத் திறந்துவைத்து, நூற்றாண்டு நினைவு மண்டபத்தை மக்களுக்காக அர்ப்பணித்தார். தமிழ்நாடு காங்கிரஸ் கமிட்டி தலைவராகவும், பார்லிமெண்டின் தீண்டாமை ஒழிப்புக் குழு தலைவராகவும் பணியாற்றியவர் இளையபெருமாள். விவசாயிகளின் கூலி உயர்வு, பண்ணையாள் பாதுகாப்பு சட்டம் கொண்டுவரக் காரணமாக இருந்தவர்.

கடந்த 2007-ல் காட்டுமன்னார்கோவிலில் சிலை அமைக்க அவரது மகன் மறைந்த டாக்டர் வீரமணி, வடலூர் கண்ணன், தமிழ்வாணன் போன்றோர் பெரும் முயற்சி எடுத்துக்கொண்டனர். அதற்கு அப்போதைய அரசு பல தடைகளை ஏற்படுத்தியது. இதுகுறித்து, 8.9.2007, நக்கீரன் இதழில் 'இளையபெருமாள் சிலை! தடைமேல் தடை' என்ற தலைப்பில் செய்தி வெளியானது. அடித்தட்டு மக்களுக்காகப் போராடிய எல்.இளையபெருமாள் திருவுருவச் சிலையைத் திறந்து, அவரது நூற்றாண்டு அரங்கை பார்வையிட்டார் முதல்வர்.

விழா மற்றும் முதல்வர் உரை: