காவல்துறை அலட்சியம்! ரவுடிகளின் ராஜ்ஜியம்!

திருவண்ணாமலை மாவட்டம் கீழ்பென்னாத்தூர் அடுத்த நீலந்தாங்கல் கிராமத்திலுள்ள ஏரியில் ஒருவர் வெட்டிக் கொலை செய்யப்பட்டுள்ளதாக மார்ச் 10ஆம் தேதி காவல்துறையினருக்கு கிடைத்ததும், சம்பவ இடத்திற்கு வேட்டவலம் தகவல் போலீஸார், கூடுதல் காவல் சிவனுபாண்டியன், டி.எஸ்.பி. அறிவழகன் சென்று விசாரணை நடத்தினர்.

- து.ராஜா

விசாரணையில், கொலை செய்யப்பட்டவன் புதுச்சேரி வாணரப்பேட்டையை சேர்ந்த ரவுடி ஐயப்பன் எனத் தெரியவந்தது. குற்றவாளிகளை பிடிக்க 4 தனிப்படைகள் அமைக்கப்பட்டது.

சிறையிலுள்ள புதுச்சேரி பிரபல தாதா மர்டர் மணிகண்டனின் வலது கரமாக இருந்து சிறையிலிருந்தபடியே மணிகண்டன் சொல்லும் வெளியே கச்சிதமாக வேலைகளை முடித்துவந்தவன் ஐயப்பன். இவன் மீது 3 கொலை வழக்குகள் உட்பட 17 வழக்குகள் உள்ளன. வாணரப்பேட்டையில் மற்றொரு தாதா பாம் சரவணன் படுகொலை செய்யப்பட்டான். அதற்கு ஐயப்பன் தான் காரணம் என அவனது ஆட்கள் இவனை டார்கெட் செய்ய, அங்கிருந்து வீடு மாறி ரெட்டியார் பாளையத்தில் பிரமாண்டமான பங்களா கட்டி குடியேறிவிட்டான்.

சமீபத்தில் ஐயப்பனின் குழந்தையின் பிறந்தநாளுக்கு, முக்கிய அரசியல் பிரபலங்கள் பலரும் அவன் வீட்டில் ஆஜராகிக் கொண்டாடியுள்ளனர். சில மாதங்களுக்கு முன்பு விபச்சார வழக்கில் கைது செய்யப்பட்டு ஜாமீனில் வெளிவந்த ஐயப்பனால், புதுச்சேரியில் சட்டம் ஒழுங்கு பிரச்சனை வருகிறது என 144 தடை உத்தரவு போட்டு, ஊருக்குள் வரக்கூடாதென்று போலீஸ் தடுத்தது. இதனால் தனது மனைவியின் பூர்வீகமான திருவண்ணாமலை மாவட்டம் வேட்டவலத்தில் வந்து தங்கியுள்ளான்.