த.வெ.க.வுக்கு வலைவீசும் பா.ஜ.க.!

'எனக்கு யாரும் சாயம் பூச முடியாது' என்ற விஜய், பா.ஜ.க. பின்புலத் தில் புதிய கட்சியைத் தொடங்கவில்லை என மாநாட்டில் அறிவித்தார்.

- தாமோதரன் பிரகாஷ்

ஆனால், பா.ஜ.க.வை எதிர்க்கும் பாசிச எதிர்ப்பை பாயாசம் என வர்ணித்தார். ஒரு பக்கம் பா.ஜ.க. எதிர்ப்பு, மறுபக் கம் பா.ஜ.க. ஆதரவு என இரு முகம் காட்டிய விஜய்யை வழிக்குக் கொண்டுவர அஸ்திரங்கள் ஏவ பா.ஜ.க. தயாராகி வருகிறது. விஜய் மீது ஏற்கெனவே வருமான வரித்துறை ரெய்டு ஒன்று நடத்தப்பட்டுள்ளது.

அந்த ரெய்டின்போது கோடிக்கணக்கான ரூபாய் வரி ஏய்ப்பு கண்டு பிடிக்கப்பட்டது. அதற்கு விஜய் கொடுத்த விளக்கத்தில் ஒவ்வொரு படம் வெளியாகும்போதும் கட் அவுட் வைக்கவும், ஆரத்தி எடுக்கவும், பட்டாசு வெடிக்கவும் ரசிகர் மன்றங்களுக்கு நான் பணம் கொடுக்கிறேன் என குறிப்பிட்டிருந்தார். அந்தக் கணக்கையெல்லாம் மீறி விஜய் மீது வருமான வரித்துறை கொடுத்த வழக்கு இன்றளவிலும் நிலுவையில் இருக்கிறது.

விஜய் தனது மாநாட்டில் தி.மு.க.வை எதிர்த்துப் பேசினார். அ.தி.மு.க.வைப் பற்றி ஒரு வரி கூடப் பேசவில்லை. இதனால் மகிழ்ச்சி யடைந்த அ.தி.மு.க. தலைமை விஜய்யுடன் தொடர்பு கொண்டு பேசி வருகிறது. ஆனால் அந்தப் பேச்சு வார்த்தையில் முக்கிய இடம்பெறுவது பா.ஜ.க. குறித்த விவரங்கள். பா.ஜ.க.வை எப்படி கையாள் வது என்பதில் அ.தி.மு.க.வுக்கே பெரிய குழப்பம் வருகிறது. அ.தி.மு.க. ஒன்றாக வேண் டும் என நிலையெடுத்த பா.ஜ.க., அதுபற்றி எடப்பாடியிடம் பேசியது. எடப்பாடி பா.ஜ.க.விற்கு பிடி கொடுக்காமல் நழுவி வந்தார்.