പാതിവിലയ്ക്ക് കേരളം

എവിടെ നിന്നോ വന്നു ഞാൻ, എവിടേക്കോ പോണു ഞാൻ എന്ന് പാടിക്കൊണ്ട് ചൂലുമായി കെജരിവാൾ യമുനയുടെ കരയിൽ കുത്തിരിക്കുന്നു.

- സുന്ദർജി

പണ്ട് കേരളാഹൗസ് വിൽപ്പനയ്ക്ക് എന്നൊരു മലയാള സിനിമ വന്നതോർക്കുന്നു. ഇന്ന് കേരളം തന്നെ പാതിവിലയ്ക്ക് വിൽക്കുന്നു എന്നത് യാഥാർത്ഥ്യമായിരിക്കുന്നു. എന്താ കഥ?

പറഞ്ഞുവരുന്നത് മലയാളി തല ഉയർത്തി നിന്ന് വരു ഇനിയും ഞങ്ങളെ വഞ്ചിക്കൂ, പറ്റിക്കൂ' എന്ന് പറഞ്ഞുകൊണ്ട ഇരിക്കുന്നു. എന്തൊരു പ്രബുദ്ധതയാണ് മലയാളിക്ക്, എന്തൊരു രാഷ്ട്രീയ ബോധമാണ് മലയാളിക്ക്. ആടു മാഞ്ചിയം മുതൽ പാതിവില തട്ടിപ്പു വരെയെത്തി. അഹം സംഭവാമി യുഗേ!യുഗേ! എന്നു പറഞ്ഞപോലെ കൊടുങ്ങാനൂർ ശബരിനാഥൻ മുതൽ പാതിവില തട്ടിപ്പ് അനന്തകൃഷ്ണൻ വരെ നീണ്ടു പോകുന്നു അവതാരങ്ങൾ. അവതാരങ്ങൾ ഇനിയെത്ര കാണാനിരിക്കുന്നു ദൈവമേ!

കേരളം ഒന്നാമനാകുന്നു, എല്ലാത്തിലും ഒന്നാമതാകുന്നു. ആരോഗ്യത്തിൽ, വിദ്യാഭ്യാസത്തിൽ, വ്യക്തി ശുചിത്വത്തിൽ എന്തിന് ഭൂലോക തട്ടിപ്പിലും വഞ്ചനയിലും. അതുകൊണ്ട് പാവം കേന്ദ്രം വിചാരിച്ചു ഇവന്മാര് സാമ്പത്തികത്തിലും ഒന്നാമന്മാരായിരിക്കും എന്ന്.