ને ...કશું જ સમજાતું નથી!

……કોઈ પણ ગ્રેટતરીકે જન્મતો નથી, પણ જેમનો પ્રવાસ જાગરૂક રીતે કમજોર અથવા દુર્બળ મનથી સામાન્ય માનસિકતા તરફ અને ત્યાંથી વિશાળ દ્રષ્ટિકોણ તરફ થતો હોય ત્યાં જ ગ્રેટનેસ અથવા એક્સલન્સ જન્મ લે છે...

- વીણા પાટીલ

‘અ રે તેને કોઈ પણ કામ અપાય તો દસ પ્રશ્ન પૂછે છે. તેને કાંઈ એટલે કાંઈ સમજાતું નથી.’ આ અમારા બે મેનેજર્સ વચ્ચેનો સંવાદ. તેમના અજાણતા મારા કાને પડ્યો. ઝૂમ મિટિંગ્સમાં ક્યારેક ક્યારેક આવી ગફલત થાય છે. હું જોઈ રહી છું તે તેમના ધ્યાનમાં આવ્યું નહોતું. ગૂડ ઇવનિંગ એમ કહીને મેં તેમનેમારા આગમનની જાણ કરી આપી અને અમારી મિટિંગ શરૂ થઈ. મિટિંગમાં ચાન્સ મળ્યો ત્યારે તેમને કહ્યું, તમે કોના વિશે બોલતા હતા તે મને ખબર નથી અને તે હું જાણવા પણ માગતી નથી. મારો પ્રશ્ન છે મેનેજર તરીકે, સિનિયર તરીકે અથવા ઓર્ગેનાઈઝેશનમાં ચાર ચોમાસા વધુ જોયેલી તરીકે તમે જે સમયે તે કામ આપ્યું અથવા જ્યારે એકાદ કામ આપો છો ત્યારે તે કામ પૂર્ણ ઈન્સ્ટ્રકશન્સ સાથે આપો છો? એટલે કે, આપણું 6W+2H. શું કરવાનું છે? કોના માટે કરવાનું છે? ક્યારે કરવાનું છે? કોણ કરશે? ક્યાં કરવાનું છે? અને મુખ્યત્વે તે શા માટે કરવાનું છે? તેનો ઉદ્દેશ શું છે? તે કરવાથી શું થવાનું છે? એ કહેશો કે? અને આ 6W પછી આવે છે 2H એટલે કે હાઉ ? અને હર્ડલ્સ ? એક વાર જોયા પછી છ પ્રશ્ન ઉકેલી કાઢ્યા પછી તે જે કાંઈ કામ છે તે કઈ રીતે કરવાનું તે કામના સ્વરૂપ પ્રમાણે ટૂંકમાં અથવા વિસ્તૃત રીતે કહેવાનું જરૂરી છે. આ થયો પ્રથમ H, બીજો H એટલે હર્ડલ્સ. આ જે કાંઈ અમુકએક કામ છે તે કરતી વખતે તમને શું મુશ્કેલીઓ આવી શકે અને તે નહીં આવે તે માટે આ વખતેશું સાવધાની લેવાની છે તેનું માર્ગદર્શન કરવુંતે આપણું ફક્ત કામ નહીં પણ ફરજ છે. ઘણી વાર આપણે અન્યોને દોષ આપવાની અથવા તે વ્યક્તિ પાસે આંગળી ચીંધવાની ઉતાવળ કરીએ છીએ, પરંતુ તે જ વખતે આપણા હાથનાં બાકી ચાર આંગળા આપણને પૂછતાં હોય છે કે તે કામ આ વ્યક્તિ પાસે સોંપતી વખતે મને જે કાંઈ કરવાનું આવશ્યક હતું તે મેં કર્યું ખરું? અનેક વાર ‘સામેની વ્યક્તિને કશું જ સમજાતું નથી’ એવું કહેતી વખતે આપણી પણ ભૂલ તેમાં હોઈ શકે છે અને તેવું આત્મપરીક્ષણ કરવાની આદત આપણને પડી જાય એટલે મેનેજર તરીકે નહીં, પણ એક જવાબદાર વ્યક્તિ તરીકે આપણી સૂચના, માર્ગદર્શન,સુસ્પષ્ટ થતાજાય છે, એકદમ ક્રિસ્ટલ ક્લિયર. તેના અનેક ફાયદા છે. એક તો બેક એન્ડ ફોર્થ કમ્યુનિકેશનમાં વેડફાતો સમય બચે છે. ગડબડ થવાની શક્યતા ઓછી થાય છે.