આ સ્પેશિયલાઈઝ્ડ ઈન્વેસ્ટમેન્ટ ફંડ (એસઆઈએફ) શું છે?

મ્યુચ્યુઅલ ફંડ અને પીએમએસ વચ્ચેના રોકાણના મધ્ય માર્ગ જેવા આ નવા ફંડનું નામ સાંભળ્યું છે? હા, આ મ્યુચ્યુઅલ ફંડની જ પ્રોડક્ટ છે, પણ આને ઈન્વેસ્ટમેન્ટ પ્રોડક્ટની નવી કૅટેગરી કહી શકાય. વાસ્તવમાં આ પ્રોડક્ટ મ્યુચ્યુઅલ ફંડ અને પીએમએસ વચ્ચેનો રોકાણ વિકલ્પ છે, જે રોકાણકારોને નવા પ્રકારની તકો ઑફર કરે છે, જેથી એને સમજવામાં સાર રહેશે.

- જયેશ ચિતલિયા

લાંબા સમયથી ઈન્વેસ્ટમેન્ટ માર્કેટમાં એક એવી પ્રોડક્ટની જરૂર વર્તાઈ રહી હતી, જે મધ્યમ કદના રોકાણકારોને અનુકૂળ હોય. પીએમએસમાં રોકાણ કરવાની મૂલ્યમર્યાદા બહુ ઊંચી છે, જ્યારે મ્યુચ્યુઅલ ફંડમાં નાનામાં નાના રોકાણકાર માત્ર ૧૦૦, ૫૦૦ કે ૧૦૦૦ રૂપિયા સાથે પણ રોકાણ કરી શકે છે. એસઆઈએફને એક નવી યોજના કહી શકાય, જે જોખમ લેવાની ક્ષમતા ધરાવતા મધ્યમ કદના રોકાણકારો માટે જુદી તક ઑફર કરે છે. નિયમન સંસ્થા સેબી માને છે કે ફાઈનાન્સિયલ માર્કેટને નવી ઈન્વેસ્ટમેન્ટ પ્રોડક્ટ્સની જરૂર રહે છે, જે રોકાણકારોના વિભિન્ન વર્ગને નવા વિકલ્પો ઑફર કરી શકે, જેમાં રોકાણકારોને ફ્લેક્સિબિલિટી સાથે નવી વ્યૂહરચના પણ મળે.

યાદ રહે, આ યોજના નાના-રિટેલ રોકાણકારો માટે નહીં, પણ એચએનઆઈ (હાઈ નેટવર્થ ઈન્ડિવિડ્યુઅલ્સ) માટે છે અર્થાત્ મોટા રોકાણકારો માટે છે, કેમ કે આમાં મિનિમમ રોકાણ રૂપિયા દસ લાખનું કરવાનું હોય છે. પીએમએસ પોર્ટફોલિયો મૅનેજમેન્ટ સર્વિસીસ) અને એસઆઈએફમાં ઉલ્લેખનીય તફાવત એ છે કે પીએમએસમાં મિનિમમ રોકાણમર્યાદા ૫૦ લાખ રૂપિયાની છે, જ્યારે એસઆઈએફમાં ૧૦ લાખની. વધુમાં એસઆઈએફ વધુ પ્રમાણમાં કે સ્વરૂપમાં કસ્ટમાઈઝ્ડ પ્રોડક્ટ છે, જેમાં વૈવિધ્યકરણ તો છે જ, કિન્તુ સાથે સાથે જોખમના સંચાલનની નોખી પદ્ધતિ પણ એમાં છે.

મ્યુચ્યુઅલ ફંડે પાલન કરવાનાં ધોરણ