સરનામું પણ આગવી ઓળખ છે!

અહીં હરએક ચહેરો ઊડતી અફવા છે અહીં હરકોઈ જીવે છે સરનામાંમાં

- હિતેન આનંદપરા

સરનામું વ્યક્તિની ઓળખ સાથે વણાઈ જતું હોય છે. રાજકોટમાં રેયા રોડ નામ પડે એટલે તરત રમેશ પારેખ યાદ આવે. તલગાજરડા નામ સંભળાય એટલે મોરારિબાપુની છબિ આંખ સામે તરવરી ઊઠે. પ્રખ્યાત શાયર ડૉ. રઈશ મનીઆર અને એમનાં પત્ની ડૉ. અમી મનીઆર બેએક દાયકા પહેલાં સુરતમાં અમી ચિલ્ડ્રન્સ હૉસ્પિટલ ચલાવતાં. આ હૉસ્પિટલનું સરનામું હતું: નાગર ફળિયા, પાણીની ભીંત, સુરત. આમાં પાણીની ભીંત શબ્દ વાંચીને અચરજ પણ થતું અને અસમંજસ પણ થતી. ઈંટની ભીંત હોય, પથ્થરની ભીંત હોય, લાકડાંની ભીંત હોય, પણ પાણીની ભીંત કઈ રીતે હોઈ શકે એનું કુતૂહલ થતું.